وقالوا القطر
كتبت:د علا علي

وقالوا القطر أهو …فاتها
وركبت كل ….صاحباتها

ياعيني وحيده ف حياتها
تعيش ازاي………بوحدتها?

ياناس تفكيركوا دا.. قاتلنا
بلاش تفتيش ف.. تفاصيلنا

انا راضيه كده …..بحالي
سعيده بنفسي… وجمالي
كياني كبير كده ..وعالي

وناجحه فعملي .ومجالي
وبكره الدنيا ….تحلالي

نصيبي هييجي ف ميعاده
وعقله موافق…… لعقلي

يكون هو جميل صبري
يفسر لي غموض حلمي

وروحه تشعر…. بروحي
يحس بصدق احساسي

نشوف بكره بعين واحده
ونبني البيت بايد جامده

لا تقدر ريح كده …تهزه
ولا خلافات كده ..تهده

طريقي ده قرار ….ليه
كفايه كلام بقي.. عليه