3 أيام غنا وموسيقى وفنون في قلب وسط البلد

إيمى عمرو

.. وفسحة مختلفة تبدأ من النهارده ببلاش، شارع الفن بشارع الشريفين فاتح أبوابه من النهاردة الخميس 5 نوفمبر لحد السبت 7 نوفمبر، بمجموعة متنوعة من الحفلات والفقرات الغنائية، بمشاركة مطربين وفرق فنية، منهم ياسين منصور، مصطفى شريف، هديل ماجد، حسام حسن وفرقة سوكسيه، وفيه كمان رسم تفاعلي وفنون تشكيلية ومكتبة متنقلة من مكتبة مصر الجديدة، المواعيد من الساعة 6 لـ9 مساء، لمدة 3 أيام، اللوكيشن شارع الشريفين بوسط البلد، وأقرب محطة مترو محمد نجيب، فسحة فنية حلوة وتكلفتها مواصلاتك بس.