إيران تكشف جاسوس خائن ليها بيمد تل أبيب بأماكن مكونات وتصنيع المسيرات والصواريخ

طارق الدسوقي

إيران قدرت تقفش جاسوس خائن ليها بيمد تل أبيب بأماكن مكونات وتصنيع المسيرات والصواريخ.. ودي ضربة قوية للخونة.. وخصوصا لما تعرف إن طهران كانت “مخترقة” بالجواسيس والخونة لصالح تل أبيب لدرجة إنها الموساد عمل قاعدة عسكرية للمسيرات في قلب طهران قبل كدا..

 

🔴 ولما اتسأل الرئيس الإيراني السابق أحمدي نجاد عن إزاي إيران مليانة بعملاء الموساد كدا؟ الراجل رد بشكل صادم وقال إن الاستخبارات الإيرانية قررت تعمل وحدة لكشف ومحاربة عملاء الموساد.. لكن اكتشفوا إن رئيس الوحدة نفسه جاسوس لتل أبيب!!

 

🔴 والجميل إن من كام يوم إيران أعلنت إنها قدرت تفكك 4 خلايا تجسّس وتعتقل 16 خائن بيمد تل أبيب بمعلومات عسكرية واستخباراتية..

 

🔴 تل أبيب من زمان وهي شاطرة في التجنيد.. ودا يفكرنا باللي حصل في العراق سنة 1966 واللي كان بداية لهزيمة سوريا ومصر في 1967 لما قدروا يجندوا طيار عراقي خائن.. طيب إيه اللي حصل؟

 

🔴 تل أبيب وقتها كانت عينها على طيارة ميج 21 السوفتية.. والطيارة دي في الوقت دا كانت حديثة متقدمة “تقدر تقولي زي الإف 35 الشبحة دلوقتي”.. والطيارة الميج 21 دي كان السوفيت ادوها للعراق وكمان لمصر وسوريا..

 

🔴 تل أبيب كانت هتتجنن وعايزة طيارة من الطيارات دي.. الموساد ساعتها كان عايز طيار يطلع بالطيارة من العراق على تل أبيب.. وبالفعل قدروا يجندوا طيار اسمه منير ردفة.. اللي كان طيار مقاتل في القوات الجوية العراقية..

 

🔴 بس الموساد لعب على وضعه المعقد داخل المؤسسة العسكرية.. إزاي؟.. بحسب المعلومات اللي وصلت للموساد، كونه مسـ .ـيحي فدا أثر على فرص ترقيته، وتم تكليفه بمهام ضد الأكراد في شمال العراق..

 

🔴 لكن ردفة، حسب الرواية العبرية، ماكانش قادر ينفذ المهام دي بالشكل المطلوب، وكان بيتعمد إهدار الأهداف أثناء إطلاق النار.. وبالتالي دي بوادر شخص عنده دوافع تخليه مستعد يقطع كل الروابط مع بلده ويخاطر بحياته وحياة أسرته.

 

🔴 طيب إزاي تم تجنيده؟.. بحسب الروايات الموساد بعت واحدة ست عميلة لبغداد.. ذكية وجميلة، قدرت تندمج وسط الحفلات الراقية في بغداد، وهناك قابلت منير ردفة.. ودارت بينهم محادثة طويلة، عبر خلالها ردفة عن إحباطه من اضطهاد المسـ .ــيحيين في العراق، ومن إجباره على قصف الأكراد..

 

🔴 العميلة استغلت المشاعر دي، وفضلت تقابله أكتر من مرة، لحد ما البيه الطيار وقع في غرامها.. وفي صيف سنة 1966، قدرت تقنعه إنه يسافر معاها لأوروبا علشان يقضوا إجازة..

 

🔴 وهناك جندوه مقابل مليون دولار، والجنسية الإسـ .ـرائيلية، وبيت جميل، ووظيفة مدى الحياة، وضمان سلامة أفراد عيلته، بما فيهم زوجته وأطفاله ووالداه وإخوته..

 

🔴 تنفيذ العملية كان هيتم في يوم من الـ3 أيام دي 14 و15 و16 أغسطس 1966.. حسب الإشارة اللي هتيجي له من تل أبيب.. وطبعا كل يوم الطيار يلبس خوذته ويستعد للطيران في أي وقت..

 

🔴 وفي 16 أغسطس، وصلت الإشارة.. كانت إذاعة صوت إسـ .ـرائيل باللغة العربية بتذيع أغنية للمطربة اللبنانية صباح، وهي “مرحبين، محبين”.. والأغنية دي بالنسبة لردفة، هي رسالة الانطلاق والطيران من العراق لتل أبيب..

 

🔴 بعد ما الطيار العراقي سمع أغنية صباح، قفل الراديو، وخرج من بيته واتجه للقاعدة.. ركب ميج-21، وخذ معاه بعض الكتب الفنية الخاصة بالطيارة.. وطلع بالطيارة من العراق على تل أبيب..

 

🔴 طارت على ارتفاع منخفض علشان تتجنب الرادارات الأردنية، وبعد كده صعدت لارتفاع 30 ألف قدم.. وبعدها طلعت طيارتين من تل أبيب من طراز ميراج 3 علشان ترافقه.. لحد ما هبطت في قاعدة حتسور الجوية في صحراء النقب.

 

🔴 طيب ليه تل أبيب كانت عايزة ميج 21؟ لأن هيكون تحت إيدهم طيارة حديثة من الخصم، وموجودة بالكامل، ومعاها الطيار اللي يعرفها..

 

🔴 وبالتالي درسوها بالكامل.. واكتشفوا نقاط ضعفها ونظام الرادار بتاعها ونقاط القوة.. واستخدموها في تدريبات ضد الميراج الإسـ .ـرائيلية، علشان الطيارين الإسـ .ـرائيـ .ـليين يكون عندهم خبرة مهمة في التعامل مع الطيارة السوفيتية..

 

🔴 المشكلة بقى إن الطيارة دي كمان كانت عند مصر.. وده ظهر أهميته في نكسة 1967، لأن مصر وسوريا والعراق كانوا بيستخدموا ميج-21، وبالتالي الطيار الإسـ. ـرائيلي لما دخل مواجهة مع الطيارة دي ماكانش بيواجه سلاح مجهول بالكامل.. لأ كان عنده خبرة عملية في التعامل معاها، واتدرب عليها..

 

🔴 وفي معركة جوية ضد سوريا يوم 7 أبريل سنة 1967، أسقط الطيارين الإسـ .ـ ـرائيليين 6 طائرات ميج-21، من غير ما يخسروا أي طيارة إسـ .ـرائيلية.

 

🔴 لكن القصة ماوقفتش عند تل أبيب.. الأمريكان كمان كانوا مهتمين جدا بالطيارة.. في الفترة دي، أمريكا كانت بتواجه ميج-21 في فيتنام، وبالتالي امتلاك طائرة حقيقية لدراستها واختبارها كان فرصة مهمة.. علشان كدا نقلوا الطيارة مفككة على متن طيارة شحن لأمريكا..