نصائح للمطبخ

إيمى عمرو

🔸 الكبدة المجمدة:

بلاش تغسليها، حطيها في مصفاة وضيفي عصير ليمونة وسبيها تتصفى الطريقة دي بتقضي على أي ريحة، وبعدها تبليها عادي.

🔸 شربات الحلويات:

لو دايمًا بيسكر منك، استخدمي ملح الليمون بدل الليمون، ربع معلقة صغيرة على كوبين سكر وكوبين مية، ومش هيكرمل خالص.

🔸 الأرز لما يعجن:

سيبيه في آخر تسوية على نار هادية جدًا، وخلي الحلة متقفلة كويس علشان البخار يتكتم ويتفلفل الأرز.

🔸 الأرز اللي بيلزق في الحلة:

بعد ما تطفي النار ضيفي معلقتين مية وقفلي الغطا، البخار هيساعده يفصل بسهولة.

🔸 المكرونة بالصلصة أو بالبشاميل:

اسلقيها لحد ¾ سوا بس، علشان متعجنش بعد التسوية.

🔸 البشاميل لو عمل كلكعة:

سيبيه يهدى شوية واضربيه في الخلاط، يرجع ناعم تاني.

🔸 حفظ الليمون:

سيبيه زي ما هو في الفريزر، هينفعك وقت اللزوم ومش هيبوظ.

🔸 السمك المقلي:

لو بيطلع طري ولونه غامق، غلفيه بدقيق وبعدين غمسيه بسرعة في مية قبل القلي، هيفضل مقرمش ولونه دهبي.

🔸 الفراخ والزفارة:

اغسليها وانقعيها في مية وليمون ودقيق وملح ورشة سكر، الطريقة دي أفضل من الخل وبتشيل الريحة تمامًا.

🔸 اللحمة لو بتطلع ناشفة:

حطي معلقة سكر مع الشوربة وقت السلق، هتطلع طرية وزبدة