وصفات العاصمة

إيمان العادلى

الممبار

المقادير:
كيلو ممبار مغسول بالدقيق و الملح و الخل و متنضف كويس جدا و متقطع المقاس اللى تحبيه.

لخلطة الارز انا بعمله نى فى نى:
٦ كوب أرز مصرى ، ٣ طماطم مبشورة ، بصلتين مفرومتين ، خضره كزبرة و بقدونس و شبت ، ٣ ملاعق ملح و زيهم فلفل، ربع كوب زيت ، ٣ ملاعق صلصة.

مقادير مية السلق:
فحلة كبيرة نملا تلات ارباعها ميه و نحط عليهم ، بصلايه متقطعه و طماطم و مكعبين مرقة لحم، ملح و فلفل و ورق لورا.

الطريقه بقى:
نخلط كل مقادير الارز مع بعض و نولع عالميه لحد ما تغلى نكون حشينا الممبار، نحشى الممبار ممكن بالقمع او بصوابعك ، و منملاهوش اوى نبططو كده ، و لما نخلص الكميه و تكون الميه غليت ، ننزل بواحده واحده و نمسكها من الطرفين و ننزل بيها عالحله ، و لما ننزل بالكميه كلها ، نوسطن النار و نغطى الحله نص غطا و نسيبه من ساعه الا ربع لساعه و كل شويه نقلب عشان ميلزقش فالحله من تحت و بعد ما يستوى نطلعه يتصفى كويس و نحمره فزيت و بالهنا والشفا