أفتاكسات زوج محظور
(الجزء الثانى ) أفتاكسات زوج صايم
إيمان العادلى
الحلقة الخمسون
(الجزء الثانى ) أفتاكسات زوج صايم
إلهام وممدوح
ممدوح نزل وشاف المحل والحمد لله الخسارة مش كبيرة
وإلهام يا عينى رقبتها أد السمسة و ٠٠٠٠٠
إلهام : دوحة يا حبيبى قدر ولطف الحمد لله
متزعلش يا حبيبى
ممدوح : خلاص نسيت يا إلهام والحمد لله الخسارة قليلة يدوب الستارة ولعت والدنيا أتلحقت
إلهام : بقولك يا دوحة ما تيجى كده نكسر الحظر والروتين يا حبيبى
ممدوح : أيوة يعنى نعمل أيه
إلهام : تعالى نخرج نتمشى شويه اهو نغير وشوش وأماكن
ممدوح : حنخرج فين كل الأماكن مقفولة والدنيا حر والشمس سخنه خلينا فى البيت وخلاص
إلهام : طيب يا حبيبى اللى تشوفه
رهف : بابا كلم نناه على الفون الأرضى
ممدوح : الو ايوة يا ماما أزيك يا حبيبتى وحشتينى والله
فوقية: وأنت يا دوحة يا حبيبى وحشتنى أنت والعيال
مالك يا حبيبى
ممدوح : انا تعبت يا ماما من إلهام والعيال ومش لاقى حل فيهم..انا عايش فى نكد ليل ونهار.
إلهام بتعند فيا لا بقيت عارف آكل ولا اشرب ولا ارتاح فى بيتى..خناق وزعيق طول اليوم الجيران بقوا يشتكوا مننا
فوقية : أقولك أنا تعمل ايه وأزاى تربيها وتعلمها الأدب
ممدوح: ازاى
فوقية: هقولك ..بس تنفذ كلامى بالحرف الواحد
ممدوح : هههههه ماشى يا ماما أهو جنان ب جنان وكده كده خربانة
مع السلامة يا حبيبتى
وبعد شوية ممدوح رجع بسلام من برة
إلهام: حمد الله على السلامة يابيبي انت جيت
ممدوح : لا ياختى لسه مجتش
إلهام: انت بتكلمنى كده ليه ياروحى
ممدوح: بلا روحك بلا زفت روحى دلوقت من وشي عاوز ارتاح شوية
إلهام : إهئ إهئ كده يا دوحة طيب أنا فى أوضتى لحد ما أعصابك ترتاح و ٠٠٠٠
رهف : ماما كلمى نناه توحة على الفون
إلهام : ايوة يا ماما عاملة أيه
توحة : مالكم كفاالله الشر..صوتكوا عالى ليه انتوا زعلانين ولا إيه؟
إلهام : أيوة يا ماما ممدوح بقى لا يطاق خالص الحظر جننه وعمال يزعق فيا من غير أسباب
ممدوح : انا اللى اتجننت هاتى الفون ده
أيوة يا حماتى انتى مالك انتى؟
توحة: مالك ياممدوح انت بتكلمنى أنا كده ازاى ؟
ممدوح: اه بكلمك كده وان كان عاجبك
توحة: ايه النغمة الجديدة دى ياسي ممدوح ده بينك أتجننت فعلا زى ما بتقول إلهام
ممدوح : هى دى النغمة اللى هتسمعيها من هنا ورايح أنتى وبنتك و ٠٠٠٠
إلهام: هات كده الفون عيب كده أللى بتقوله ل ماما ده
يلا يا ماما حكلمك بعدين يا حبيبتى وحقك عليا
توحة : طيب يا بنتى حصل خير الله يكون بعونك
ممدوح: أنا داخل أنام وأقوم الاقى الاكل جاهز وإياكم أسمع صوت
إلهام: تنام ده ايه..ومين اللى هيجبلنا الطلبات ويروح للجزار
ممدوح : إتصرفى منا بجننك لما بنزل علشان جارتنا أنغام ولا ستات الشارع ولا اقولك أنا أنسان الغاب طويل الناب
إلهام: لاااا..انت باين عليك أعصابك تعبانة..وانا بقي مش هستحمل كده ااااه يانى إهئ إهئ ياحظك المهبب ياإلهام يابختك الاسود ياخيبتك
ممدوح: قلت عايز أنام يعنى مش عايز صوت..أُخرجى وَصوتى بره..أنا مش ناقص قرف
إلهام : قرف! ..انت بتقول علىَّ قرف..طيب انا هريحك منى خالص ياسي ممدوح.أنا ماشية عشان أريحك من القرف
ممدوح: يلا فى داهية وخدى الباب فى إيدك عشان مش عايز إزعاج
إلهام: إهئ إهئ طاب أنا ماشية
ممدوح: ماقلتلك مع السلامة ..انتى واقفة ليه يلا لمى حاجتك وخدى عيالك وامشي
إلهام: يعنى مش هامك..طيب أنا هسيبلك عيالك مش وخداهم
ممدوح: يلا فى داهية
إلهام : اتفضل ياسي ممدوح انا ماشية وسيبهالك بيت أبويا أولى بيا
ممدوح : أحسن برضه
إلهام: إهئ إهئ
يا خالد يا رهف تعالوا شوفوا أبوكم
وأخرة عمايله فيا
خالد ورهف : يا لهوووووى يا أناااا
من الحظروعمايله
أستنونى بكرة
