ستيك بالجبنة في الفرن
إيمى عمرو
٤ قطع ستيك لحمة أو فراخ
٢٠٠ جرام جبنة مبشورة (ميكس موتزاريلا وشيدر )
بصلة مفرومة
فصين توم مفرومين
٢٠٠ مل كريمة طبخ
معلقة صغيرة بابريكا
ملح وفلفل
زيت للقلي
نتبل قطع اللحمة أو الفراخ بالملح والفلفل ونحمرها في طاسة سخنة مع شوية زيت من الناحيتين لحد ما تآخد لون دهبي ونشيلها على جنب …
في نفس الطاسة نشوح البصل والتوم وأول ماريحتهم تظهر نضيف الكريمة والبابريكا ورشة ملح وفلفل ونقلب كويس ..
نرص الفراخ أو اللحمة في بايركس وننزل عليهم بالصوص الكريمي ونغطيها بالجبنة المبشورة …
ندخلها الفرن على درجة حرارة ٢٠٠ حوالي ٣٠ دقيقة لحد ما الجبنة تدوب وتاخد لون ..
تتقدم مع رز أبيض أو بطاطس أو عيش باجيت وسلطة خضراء وبالهنا
التعليقات مغلقة.