أكذوبه البدايات

كتبت / هند يوسف

مفيش حاجة اسمها “بدايات بس حلوة”..

اللي بيراعي ربنا فيك، هيفضل يراعيه حتى لو فات ١٠٠ سنة.

واللي بيحبك بجد وراضي بعيوبك..

هيفضل يحافظ عليك، والأهم.. عمره ما هيتغير فجأة.

الحكاية عمرها ما كانت في انبهار أول كام يوم..

الحكاية كلها في “الأصل والمعدن” اللي مبيصديش مع الأيام.

القلب اللي اتربى على صون الأمانة..

هيحميك في عز غضبه، قبل وقت رضاه.

الحب الحقيقي بيبدأ بجد لما الانبهار يخلص..

لما تشوف عيوب اللي قدامك، ولحظات انطفائه..

وتقرر من كل قلبك إنك لسه متمسك بيه.

اللي بيحبك مبيشوفش عيوبك حِمل.. بيشوفها جزء منك.

التغير المفاجئ ده أكبر كذبة..

مفيش إنسان أصيل بيقسى فجأة من غير سبب.

اللي بيتغير فجأة، كان بيمثل من الأول..

إنما اللي شاري، حتى لو الأيام مالت بيه.. مستحيل يسيب إيدك.

عشان كده، وإنت بتختار:

اختار اللي بيراعي ربنا في الخصام قبل الصلح.

اختار اللي كلمة “عشرة” عنده مش مجرد حروف، دي عهد.

اختار اللي الأمان معاه أسلوب حياة، مش مجرد شعور مؤقت.

متتنازلش عن حقك إنك تعيش مطمن..

مش محتاج تبذل مجهود كل يوم عشان تثبت إنك تستاهل تتحب.

اللي بيحبك بجد.. هيفضل معاك بطل الحكاية لآخر سطر..

مش مج

رد ضيف شرف في أول صفحة