السلام عليكم انا هحكي مشكله يطول شرحها شويه بس عايز الناس تقول كلمة حق دلوقتي انا عندي ٢٨ سنه وداخل ع ٢٩ كنت بحب بنت ف ٣ ثانوي وفضلنا مع بعض ٣ سنين

السلام عليكم انا هحكي مشكله يطول شرحها شويه بس عايز الناس تقول كلمة حق دلوقتي انا عندي ٢٨ سنه وداخل ع ٢٩ كنت بحب بنت ف ٣ ثانوي وفضلنا مع بعض ٣ سنين جت سابتني بدون أسباب ف ٣ جامعه عشان شخص تاني انا عارفه وقالتلي انا ارتبط بيه وهيخطبني وهيعمل وهيسوي ومش هينفع نتكلم تاني وعدي تلت سنين منعرفش حاجه عن بعض وانا كنت بحبها ومتعلق بيها جدا ولكن الحمد لله كرهتها من اللي عملته وخرجتها برا حياتي وشوفت حياتي وخطبت مره وفشكلت محصلش نصيب وجه الزمن جمعنا تاني بعد ٣ سنين وراجعه ندمانه وانا معرفتش احب حد غيرك وانت علطول ف قلبي وانا ندمانه ع اللي انا عملته وكلام كله ف الفاضي يعني المهم انا مرتاحتش وكلمت الولد وعرفت سبب السيبان اي ان هو لسه ف الكليه وسقط وقالتله انت لو جيت اتقدمتلي بابا مش هيرضي بيك بس هي كدبت عليا ومقالتليش السبب الاساسي وقالتلي انا محبتهوش وكدا ورجعنا لبعض وسامحتها وقعدنا مع بعض سنتين مكنتش لسه جبت شقتي وربنا كرمني ولقيت شقه اوضتين وريسبشن كبير ومطبخ وحمام وشقه ف برج واسانسير جيت عرضتها عليها قالتلي لا انا عايزه ٣ اوض وبعدين مختش الشقه عشان خاطرها عشان اراضيها ومعرفتش اجيب شقه تاني كانت الشقق غليت لقيتها اتغيرت تاني وانا مش هينفع اقعد ف ايجار انسي الايجار واديك شايف الحال اللي احنا فيه وهما اصلا قاعدين ف ايجار وعمري ما ذكرت النقطه دي بل بالعكس حاربت عشانها وعملت كل حاجه ووقفت قدام اهلي واهلي مكنوش عايزينها بسبب اللي عملته زمان وقالولي اللي يسيبك مره يسيبك مليون بس انا اللي مسمعتش الكلام وبعد ما رجعنا لبعض سنتين حصل شويه مشاكل تاني والمفروض اني كنت بحل الموضوع وبكلم حد من اهلها ع تواصل بيه بعني بنحل الموضوع سوا وبحاول احله مع الحاج خصوصا اني اتقدمتلها وابوها قال كلام غريب ف قاعده الاتفاق وكان اسلوبه زباله وكان عايز يشيلني حجات زياده ع حاجتي اصلا هي بتاعت العروسه وبعدين اتفاجئت بعد كل ده قالتلي انا مش هكمل ومش عايزه وانت معملتش حاجه عشاني بعد كل اللي عملته عشانها واتفاجئت طبعا بعد ما دورت وراها انها بتكلم واحد تاني من غير ما تقولي بردو وانا اصلا بحاول اصلح الموضوع بينا وهي مع حد تاني ونزلت معاه واتقابلو وعرفت كل ده لما شغلت دماغي ونخربت ورا الحوار ف مبقتش فاهم دي تفسيرها اي هل هي كانت شيفاني عريس مناسب بس لما كنا مع بعض كنت بشوف الحب ف عينيها ليا وكانت بتبقي معايا زي العيله الصغيره هي كدا كدا قولا فصل متلزمنيش تاني وانا كرهتها اكتر بس محتاج تفسير لده وللي هي عملته

رد بريد قراء بوابة العاصمة

هي عارفة انك بتحبها جدا ف مخلياك ستبن

لو بقيت جاهز اهو اي عريس وخلاص

ولو مش جاهز هتفضل تلف على حد جاهز ولو ملقتش هترجعلك تاني ع ما تكون جهزت

اهم حاجة تقفل الباب تماما دي متنفعش وهتفضل طول عمرها مش مالي عينها اي حاجة هتعملها ووارد تخون جداا