القلقاس

إيمى عمرو

المقادير

ثمرة قلقاس حوالى كيلو بنشترى اى كمية ثمرة على بعضها افضل عشان التسوية تبقى واحدة مفيش ثمرة تستوى قبل التانية

ربطة كسبرة خضرة

3 ربطة سلق اخضر

رأس ثوم مقشرة

شوربة لحمة او فراخ حوالى 3 كوب

زيت وملعقتين سمنة او زبدة

عصير ليمونة

الطريقة

نقشر القلقاس فى طريقتين ممكن نقسم القلقاسة لو كبيرة نصفين او على اربعة اجزاء ونقشر كل جزء لوحدة لسهولة تقشيرها وممكن نقشرها قبل التقطيع

بعد التقشير تقطع مكعبات متساوية وصغيرة

ثم يغسل بماء ساخن حتى تصب الماء اللى نازلة منه صافيه ونعصر عليه عصرة ليمونة ونتركه يصفى

يتم اخذ اوراق الكسبرة فقط نقطفها زى الملوخية بدون عيدان ونغسلها كويس

السلق ايضا بنقطف اوراقه بدون العيدان ونغسله كويس اوى ونقطعه قطع صغيرة

ناخد نص كمية الكسبرة نضعها مع السلق والنصف الاخر نفرمه مع التوم فى الهون او الكبة

نضع مقلاة واسعة على النار ونضع بها 2 ملعقة زيت ونتركه يسخن ثم نضع عليه السلق المخلوط بالكسبرة بعد تصفيته من الماء ونحمره على نار متوسطة مع التقليب المستمر حتى يتغير لونه للون الاخضر الغامق جدا ثم يدق بالهون او نفرمه بالكبه

فى هذه الاثناء نغلى الشوربة على النار واول ما تغلى نضع القلقاس وملعقة صغيرة من دقة الثوم بالكسبرة ونترك باقى كمية التوم جانبا

ونتركه القلقاس ينضج مش هياخد وقت نجرب نطلع واحدة بالملعقة ونضغط عليها لو استوت نطفى عليه النار

نرجع للسلق اللى اتحمر وفرمناه بالكبة او الهون بعد التحمير حتى يصبح ناااعم

نضع على القلقاس ياخد غلوة واحدة حتى لا يتهرى القلقاس وحتى يندمج مع القلقاس

فى نفس المقلاة نضع ملعقة سمنة وملعقة زيت ونحمر فيه باقى دقة التوم بالكسبرة ونضعها على القلقاس زى الملوخية والف هنا

ممكن نضع بالشوربة اثناء التسوية اللحمة لو هى شوربة لحمة اما لو فراخ هنحمر الفراخ ولا توضع به تقدم محمرة