كحك ناعم

إيمى عاطف

 

المقادير:

كيلو دقيق

معلقه كبيره بيكينج بودر

3 كوب الا ربع سمنة (500 جرام) بدرجة حرارة المطبخ

معلقه كبيرة رائحة كعك

كوب حليب (200 مل) بدرجة حرارة المطبخ

معلقتين كبار سكر بودرة

معلقتين كبار سمسم محمص

نص ملعقة خميرة فورية

طريقة التحضير 🥣

– في بوله كبيرة نخفق السمنة مع السكر البودرة بالمضرب اليدوي لحد ما القوام يبقى كريمي.

– في طبق تاني نخلط الدقيق مع البيكنج بودر والملح والسمسم ورائحة الكحك ونقلبهم كويس مع بعض وننزل بيهم على السمنه ونبدأ نبس ونعجن الخليط كويس جداً لحد ما يبقى شبه الحنة أو الرمل المبلول ودي أهم خطوة وهي اللي بتفرق في نعومة الكحك.

– بعد كده نضيف الحليب ونلم بيه العجين ونعجن براحه لحد ما نحصل على عجينة طرية يمكن تشكيلها وومابتلزقش في الايد.

– نقطع العجينة كرات متساوية ونسيبها ترتاح ربع ساعه وبعدين نحشيها بقطعة صغيرة من العجمية أو الملبن مع البندق أو الجوز ونقفلها كويس ونشكلها في قوالب الكحك او ننقشها بالمنقاش.

– نرص الكحك في الصاجات أو الصواني ونسيب مسافه بين كل واحدة والتانية ويدخل الفرن على درجة حرارة متوسطة 180 لمدة 25-20 دقيقة تقريباً.