مخبوزات العيد

إيمى عمرو

#أولاً_كحك العيد على البارد (السر الكبير)

💡 ليه الكحك على البارد خفيف ودايب؟

لأنه مش بيتخمر.

السوائل قليلة جداً.

الدقيق ضعيف (مش دقيق عيش).

البَسّ بالسمنة صح هو سر النعومة.

أسرار مهمة جداً

الكحك مش بيتعجن… بيتلم بس.

كيلو الدقيق ياخد 100–200 مل ماء فقط.

ربع معلقة صغيرة بيكنج بودر + ربع معلقة خميرة (مش أكتر).

لو زودتي السوائل → ينشف.

لو زودتي الرافعات → يفرش والنقشة تروح.

#المقادير المضبوطة

1 كيلو دقيق فاخر للكحك

550 جم سمنة (بلدي أو ميكس)

3 ملعقة سكر بودر

3 ملعقة سمسم محمص

رشة ملح

¼ ملعقة صغيرة بيكنج بودر

¼ ملعقة صغيرة خميرة

نصف كوب ماء دافئ (100–200 مل بالكتير)

ريحة كحك

الطريقة الاحترافية

نضرب السمنة وهي باردة لحد ما تفتح وتبقى كريمي.

ننزل بكل الجاف ونبدأ مرحلة البَسّ كويس جداً.

نضيف الميه ونلم فقط (مش نعجن).

اختبار البصمة: لو مش شققت → تمام.

يدخل فرن 180° الرف الأوسط.

المحشي على 200° علشان الحشو مايفورش.

أهم نقطة: اللي مش هيدخل الفرن يدخل التلاجة فوراً.

━━━━━━━━━━━━━━━━━━

#ثانياً_الغريبة_الناعمة_جداً

القاعدة الذهبية

الدقيق = ضعف السمنة

#المقادير

2 كوب دقيق

1 كوب سمنة باردة

½ كوب سكر بودر منخول

فانيليا

معلقه نشا

بياص بيضه

#الطريقة

نضرب السمنة + السكر كويس جداً.

نضيف الفانيليا واضافه بياض البيضه .

ننخل الدقيق والنشا ونلم بس بدون عجن.

ترتاح 15 دقيقة في التلاجة.

تتشكل وتدخل فرن هادي 10 دقايق.

مشاكلها وحلها:

فرشت → سمنة زيادة

شققت → دقيق زيادة

نشفت → سكر زيادة

━━━━━━━━━━━━━━━━━━ #ثالثاً_بتيفور_المحلات_الأصلي

#المقادير بالجرام (مهم ميزان)

750 جم زبدة طرية

320 جم سكر بودر

80 جم لبن بودرة

4 بيض (3 كامل + صفار)

1 كيلو دقيق مخصص بسكوت

فانيليا + رشة ملح

2 ملعقة كاكاو (لنص العجين) #الطريقة

ضرب الزبدة + السكر لحد لون فاتح جداً.

البيض واحدة واحدة.

إضافة الدقيق تدريجياً.

تقسيم نصفين وإضافة الكاكاو لنص.

تشكيل بكيس حلواني.

فرن 180° حوالي 15 دقيقة.

سر المحلات: أهم خطوة هي ضرب الزبدة صح.

━━━━━━━━━━━━━━━━━━

#رابعاً_بسكوت_العيد_الاقتصادي الناجح

#المقادير

500 جم دقيق (نشيل 2 ملعقة ونحط نشا)

1 ملعقة صغيرة بيكنج بودر

1 ملعقة صغيرة نشادر

2 بيضة

150 جم سكر

200 جم سمنة على زيت

80 مل لبن دافئ

#الطريقة

نخلط الجاف.

اللبن + النشادر.

نضرب باقي المكونات في الخلاط.

نلم العجين.

تشكيل بماكينة أو كيس.

فرن 180° حوالي 20 دقيقة