أوراك الدجاج المشوية

إيمى عاطف

📝 المقادير:

🔸 كيلو أوراك دجاج مغسولة ومتقطعة كويس.

🔸 التتبيلة السحرية:

بصلة متبشورة ناعم

فصين ثوم مهروسين

علبة زبادي صغيرة

🔸 البهارات:

ملح

فلفل أسود

بابريكا مدخنة

بهارات فراخ

رشة قرفة صغيرة

رشة نعناع

🔸 سر اللمعة واللون:

2 ملعقة كبيرة صلصة

1 ملعقة عسل أسود أو دبس رمان

2 ملعقة زيت

الطريقة:

1️⃣ في بولة نحط البصلة والثوم والزبادي وكل البهارات ونقلبهم كويس.

2️⃣ نضيف الصلصة والعسل الأسود والزيت ونخلط لحد ما التتبيلة تبقى لونها غامق ومغري.

3️⃣ ننزل بالأوراك في التتبيلة ونغلفها كويس جدًا ونسيبها ساعة على الأقل (ولو أكتر يبقى أحسن).

4️⃣ نرصها في صينية ونغطيها فويل وندخلها فرن سخن على 200 درجة حوالي 40 دقيقة.

5️⃣ نشيل الفويل ونسيبها تتحمر وتاخد لون ولمعة جميلة.

تطلع طرية من جوه ومتحمرة ولامعة من بره وطعمها يجنن

تتقدم مع رز أبيض أو بطاطس أو عيش بلدي وسلطة… وجبة كاملة تشرفك في أي عزومة