بامية باللحمة

إيمى عمرو

 

المقادير:

500 جرام لحمة ضاني او بقري مكعبات

500 جرام بامية متقمعه

3 حبات طماطم

1 معلقة كبيرة صلصة

1 بصلة متوسطة

3 فصوص توم

1 فلفل حراق

2 معلقة كبيرة سمن

1 معلقة كبيرة زيت

1 معلقة صغيرة ملح

½ معلقة صغيرة فلفل اسود

½ معلقة صغيرة بهارات لحمة

¼ معلقة صغيرة جنزبيل

½ معلقة صغيرة سكر

2 كوب شوربة لحمة

 

للتقلية:

1 معلقة كبيرة سمن

2 فص توم

1 معلقة صغيرة كزبرة ناشفة

 

طريقة التحضير:

تشوح اللحمة في حلة مع الزيت والبصلة وورق لورا وحبهان لحد ما تاخد لون.

تضاف شوربة مغلية وتترك على نار متوسطة لحد ما تستوي نص سوا.

تضرب الطماطم في الخلاط وتتصفى.

تشوح بصلة مفرومة في حلة بالسمن لحد ما تصفر.

يضاف الفلفل الحراق والطماطم والصلصة والسكر.

يتضاف الملح والفلفل الاسود والبهارات والجنزبيل وتسيب الصلصة تتسبك كويس.

تسلق البامية دقيقة واحدة في ماء مغلي مع عصرة ليمون وتتغسل بماء بارد.

يرص في طاجن فخار الصلصة ثم اللحمة ثم البامية.

تضاف الشوربة ويغطي بورق فويل.

يدخل فرن مسخن على 180 درجة حوالي 45 دقيقة مع المتابعة.

تشوح التقلية بالسمن ويضاف التوم والكزبرة لحد ما اللون يبقى دهبي.

تضاف التقلية على الطاجن ويقلب خفيف.

يدخل الفرن تاني تحت الشواية لحد ما الوش يتحمر.