تركات تخلي ريحتك جميلة

إيمى عمرو

تركات تخلي ريحتك تمشي قبلك بخطوتين

1️⃣ تركة “الجسم وهو لسه سخن” بعد الشاور على طول…

وانتي لسه طالعة وبتقولي الله يرحم أيام البرد

حطي نقطة زيت مسك أو لوز

الريحة تمسك في الجلد وتمضي عقد إيجار طويل الأمد.

 

2️⃣ تركة الفازلين المشبوه فازلين + نقطة مسك

خلف الودن =

اللي يقرب يسأل:

“هو في صابونة نضيفة معدّية من هنا؟”

 

3️⃣ تركة الإبط اللي مبيعرقش بعد إزالة الشعر: نشا + نقطة مسك

الإبط يعلن الاستقالة من العرق

ويتحول لمنطقة سياحية.

 

4️⃣ تركة الرقبة الغامضة نقطة زيت بس… واحدة

لو زودتي هتبقي كشكة

الريحة تبقى هادية تقول:

“أنا هنا بس مش مستعجلة”.

 

5️⃣ تركة الشعر اللي يخطف نقطة زيت جوز هند على الأطراف

مش الفروة

علشان ما نتحولش لسمبوسة.

 

6️⃣ تركة الهدوم البتنجح منديل + نقطة مسك

في الدولاب

الهدوم تطلع ريحتها

كأنها اتربت كويس.

 

7️⃣ تركة الفم القاتلة مضمضة ميّه + قرنفل

نَفَسك يبقى دافي

مش نفَس بصل ندمان.

 

8️⃣ تركة القدمين (محدش بيجيب سيرتها) كريم + نقطة زيت شجرة شاي

رجلك تقول:

“أنا نضيفة والله”.

 

9️⃣ تركة النوم قبل النوم: دش سريع + نقطة مسك

تصحي وريحتك تقول صباح الخير قبل ما تتكلمي.

 

🔟 تركة نفسية البنت اللي مرتاحة

ريحتها حلوة غصب عن الكل

حتى لو لابسة بيجامة ميكي ماوس.