الكشري المصري

إيمى عمرو

 

 

أولاً البصل المقرمش

بصل أبيض مقطع شرائح رفيعة عليه رشة ملح

1. نحط علي البصل معلقة دقيق ومعلقة نشا هيطلع مقرمش معاكي ويفضل كده حتي بعد ما يبرد

2. نقليه في زيت غزير ساخن جدًا حتى يأخذ لونًا ذهبي

3. نطلعه علي مصفاه علشان يفضل مقرمش حتي بعد مايبرد

 

ثانياً الصلصة

– لتر عصير طماطم

– نصف رأس ثوم مفروم

– ملعقة صغيرة كزبرة ناشفة

– كمون وملح

– بابريكا و فلفل اسود

خل ومعلقة صلصة

طريقة التحضير

1. حلة علي النار نضع فيها معلقتين زيت من بتاع تحمير البصل

2. نسخن زيت البصل واضيف التوم واشوحه لما يصفر لونه و واطشه بمعلقتين خل ونضيف معلقة الصلصة وعصير الطماطم والبهارات

3. اسيب الصلصة تغلي لحد ما تتسبك علي نار هادية

 

ثالثاً الأرز

كوبين أرز وكوب شعيرية

1. حلة علي النار وانزل بمعلقتين ك زيت بتاع تحمير البصل وانزل بالشعيريةواشوح فيه شوية لما تاخد لون ذهبي

2. بعدكده الارز ونشوحه مع الشعرية شوية وبعد كده اضيف الملح وكمون وشوية شطة ونقلبهم مع بعض ونضيف عليهم مياه سخنة تغطي الارز اول ما يغلي ويتشرب المياه اوطي النار واسيبهم يستوا

 

رابعاًالمكرونة

– مكرونة اسباجيتي ومكرونة مقصوصة

1. نسلق المكرونة في ماء مغلي مع زيت وملح.

2. نصفيها ونضيف شوية من زيت البصل عليها

 

خامسا العدس بجبة

كوب عدس بني وثوم

1. نسلق العدس مع الثوم حتى يستوي.

2. نصفيه واحطه في حلة مع قليل من الزيت بتاع تحمير البصل والملح ونقلبهم مع بعض ونطفئ وكده العدس جاهز معانا

 

سادساً الحمص

كوب حمص.

1. ننقع الحمص في مياه سخنة لمدة ساعة ثم نسلقه

2. نضيف الملح بعد ما الحمص يستوا

 

-سابعاً: الدقة علي البارد

– كوب ماء ونص كوب خل

-ثوم وكزبرة،وكمون وبابريكا وملح

– ومعلقة هريسة شطة

1. نخلط المكونات مع بعض

 

ثامناً شطة الزيت

– زيت، شطة، ملح.

1. طاسة في معلقة زيت من بتاع تحمير البصل ونضيف معلقة ك من الشطة إلى الزيت الساخن علي درجة حرارة وسط ونقلب الشطة مع الزيت ونحط عليها معلقة من الصلصلة ومعلقتين من دقة الخل ونقلبهم مع بعض وبعد كده نطفئ النار.

 

تاسعاً الخبز المحمص

-عيش شامي أو بلدي

نقطع العيش ونقليه في زيت ساخن

أو في الايرافرير بمعلقة زيت