الفول المدمس وسر دقه العربيات

إيمى عاطف

المقادير:

👈نص كيلو فول تدميس

👈نص كوب عدس اصفر

👈نص كوب فول مدشوش

👈طماطمايه 🍅

👈بصلايه

👈جزره مبشوره 🥕

👈ليمونه 🍋

👈معلقه كركم

👈٥ فصوص توم

 

مقادير الدقه:

👈نص كوب عصير ليمون

👈نص كوب خل

👈نص كوب ميه مغليه

👈خمس فصوص توم

👈ملح

👈كمون

👈شطه

 

الطريقه ◀️

1️⃣ننقع الفول في ميه سخنه لمده ست ساعات مع تغيير الميه كل ساعتين

2️⃣في اخر ساعه بننقع العدس الاصفر والفول المدشوش

3️⃣في حلة او دماسه او حله ضغط فيها لتر ونص ميه مغلية بننزل

بالفول والعدس والفول المدشوش والليمونه السليمه والطماطم والبصل والجزر والتوم متقطعين لقطع صغيره وكمان بننزل بمعلقه الكركم

ونغطيهم كويس ونرفعهم على نار متوسطه لحد ما يغلوا وبعدين نهدي النار خالص ونسيبها كده لمده من خمس لست ساعات هيستوي معانا الفول ويبقى زبده

4️⃣يلا بينا نعمل قزازه الدقه

في زجاجه بننزل بالخل والليمون والميه والملح والكمون والشطه والثوم ونخلطهم كويس جدا ونستخدمهم مع الفول عند تحضيره للاكل

5️⃣لتحضير طبق فول محبش بناخد مقدار من الفول وبننزل عليه بشويه من الدقه وشويه من الطحينه وزيت الزيتون ونهرسهم كويس ونقدمه معاه قطعه طماطم بصل فلفل وجنبهم طرش بلدي ورغيف عيش محمص وبالف هنا وشفا 😋