الكرنب التخزين الصح

إيمى عمرو

لو بتعملي محشي كرنب كتير… الطريقة دي هتعجبك قوي

أفضل وقت لتخزين الكرنب هو فصل الشتا

عشان بيبقى كرنب بلدي طري وورقه مظبوط للتخزين

🔸 اختيار الكرنبة

اختاري الكرنبة الخفيفة

لما تطبّلي عليها وتحسي إنها مهوية شوية يبقى تمام

لا تكون مكتومة قوي ولا فاضية قوي

عايزنها وسط عشان الورق يطلع حلو

🔸 طريقة السلق الصح

نقطع رأس الكرنبة ونشيلها

نحط حلة ميه على النار ونضيف:

✔️ معلقة سكر

✔️ معلقة ملح

✔️ معلقة كمون

ولما الميه تسخن بس من غير غليان

نحط الكرنبة بحالها

⚠️ بلاش غليان عشان كرنب الشتا طري

أي ورقة تطرى

نشيلها فورًا ونحطها في ميه

وبعدها في مصفاة تصفي

نشيل العنقود ونلف الورق ونقطعه

🔸 التخزين

نرص الكرنب في أكياس أو علب

نغطيه كويس ونحطه في الفريزر

هيفضل معاكي من السنة للسنة

✨ النتيجة؟

محشي كرنب مظبوط

لا بيجلد ولا بيتقطع

وكأنه طازة

📌 ملحوظة مهمة:

السكر يمنع الجلد

الملح يظبط الطعم

الكمون يشيل أي ريحة