تركيبة تنظيف المطبخ
إيمى عاطف
زجاجة ماء اكسجين تركيز ٣٠
ربع كوب صابون سائل بتاع المواعين
ربع كوب برسيل جل للغسيل العادي مش الاوتوماتيك
اخلطي كل ده في زجاجة بلاستيك وبعد كده حطي عليهم لتر ماية سخنة من السخان عادي وحطيهم في بخاخة ورشي علي اي مكان فيه دهون سواء بوتجاز او سيراميك المطبخ او سلك شباك المطبخ روعة في ازالة الدهون ويبلمع وممكن تضيفي علي المكونات ربع كوب خل ده اختياري واللي تجربه ويعجبها نضفته تدعيلي دعوة حلوة …
الشفاط لو عايزة تنضفيه من غير تعب هاتي سلك المواعين بتاع زمان اللي بيتباع بالوزن ده مش السلك الستالس المدور اللي بيتباع بالقطعة وهاتي الصابون السايل بتاع المواعين بدون اضافة اي ماية خالص والسلك برضو متحطيش عليه اي ماية حطي علية شوية صابون سايل وادعكي بيه الشفاط هيبقي زي الفل والدهون هتتشال من علية بسهولة حتي الريشة والوش بتاع الشفاط نفس الطريقة نضفية بدون نقطة ماية وبعد كده اشطفي الريشة والوش بالماية عادي وجسم الشفاط نفسه امسحية بحتة قماش مبلولة علشان موتور الشفاط ميتحرقش وبرضو اللي تجربها وتريحها في التنضيف تدعيلي دعوة حلوة
التعليقات مغلقة.