الماربل كيك

إيمى عاطف

المقادير:

٤ بيضات

كوب سكر

كوب الا ربع زيت او زبدة

كوب حليب

معلقة صغيرة فانيليا سايله او 2 كيس فانيليا بودر

2 ونصف كوب دقيق منخول

رشه ملح

معلقتين نشا

2 معلقه صغيره بيكنج بودر

2 معلقه كبيره كاكاو خام منخول

طريقة التحضير 🥣

– نخلط البيض والسكر والزيت والحليب والفانيليا ونضربهم كويس في الخلاط او بالمضرب الكهربائي.

– نضيف الدقيق والنشا والبيكنج بودر والملح، ونخلطهم كويس لحد ما الخليط يتجانس.

– نقسم الخليط جزئين، وبعدين نضيف لجزء منهم الكاكاو ومعلقة حليب ونضربهم كويس لحد.

– ندهن صينية مقاس 26 زيت بسيط ونعفرها بالدقيق او نفرد فيها ورقة زبدة،

– نصب ثلاث أرباع الخليط الابيض في الصينية وبعدين نصب فوقه خليط الكاكاو بشكل عشوائي وندخل الخليطين في بعض باستخدام معلقة او سكينة، أو نصب في نص الصينية قليل من الخليط الابيض وفوقه قليل من الخليط البني، ونكرر العملية لحد ما نخلص الكمية كلها.

– ندخلها فرن على درجة حرارة 180 ويكون شغال من تحت بس ولما تستوي نشغله من فوق لحد ما تاخد لون ذهبي جميل.

– ملحوظة: بلاش نفتح الفرن عليها خالص قبل نص ساعه او ساعه الا ربع وبعدين نختبرها بخلة اسنان من النص لو استوت هنقفل الفرن ونفتح الباب نص فتحه ونسيبها جوه 10 دقايق والفرن مطفي منخرجهاش على طول يعني ولما تخرج هنسيبها تهدا شويه وبعدين نقلبها ولما تبرد خالص نقطعه