١٠ نصايح من جدتي الشطورة

إيمى عمرو

أوعى تسلقي اللحمة قبل ما تسمعى الكلمتين دول

نصائح لسلق اللحمة

1- اللحمه متتغسلش ممكن شطفه سريعه بالميه لان الاحماض الامينيه اللى فى اللحمه بتدوب فى الميه وتصبح اللحمه ليس لها اى قيمه غذائية.

2- البصله مع شوربة اللحمه هي اللي بتدي طعم للشوربة من غيرها الشوربة ملهاش اي طعم وجزر ورق لاور وحبهان

3- الريم اللي بيطلع علي وش الحله لازم تشليه عشان بيمرر الشوربة وبيخليها زفره

4-النار لو عاليه أو هادية اللحمه مش هتستوي وهتشد ، لازم نار متوسطه مايله انها تكون هادية

5- السكر ونواه البلح بيسرعوا عمليه التسوية بس في ناس قالت إن النواه خطر

6-الفلفل الاسود لو اتحط من اول التسوية هيغمق الشوربة وهتحتاجي كميه كبيرة عشان يظهر طعمه ف الآخر وده مش صح يوضع الفلفل فى النهاية خلص

7-انك تحطي اي خضار ، فلفل أو جزر أو توم أو طماطم او كرفس كل ده بيدي طعم احلي للشوربة وبيعلي قيمتها الغذائية

8- عشان الطعم يبقي احلي واحلي تبلي اللحمه في بصل وفلفل وتوابل واديها تشويحه ف التيفال أو معلقه سمن قبل ما تضيفي الميه الساخنه هيفرق ف الطعم جدا

9- اثناء سلق اللحمه لو احتاجت ميه ضيفى الميه سخنه لان الماء البارد هينشف اللحمه وميخليهاش تستوى

 

10-اضافه التوابل للحمه زي الحبهان وورق اللوراوالمستكه لو وجدت بتدى طعم حلو للشوربه

11-لوحسيتى ان اللحمه عجوزه وهتاخد سوى كتير بعد ماتغلى شويه هادي النار جدا جدا واتركيها للتسويه