لا يوجد سرنجة بدون ألم

إيمى عمرو

_السرنجةالمووف دي مسمهاش سرنجة بدون ألم أو سرنجة حريمي .

دي سرنجة أطفال ومصممة لحقن الأطفال فقط

ومن الأخطاء الشائعة جدا استخدامها للكبار

_والشكل اللي قدامنا ده تبسيط بيوضح العضلة عند الشخص البالغ

 

الهدف من السرنجة أنها توصل الدوا لمنطقة العضلات اللي ع الشمال خالص دي .. والسرنجة ف طريقها بقي بتمر بطبقة من الدهون ” المنطقة الحمرا اللي ف النص دي ” ..

 

وزي ما أنت شايف كده يا عزيزي إنه السرنجة المووف أصلا موصلتش العضل ويدوب استقرت في منطقة الدهون وده بقي هيعمل ايه … ؟!

 

⚫ اولا مش هيحصل امتصاص للدوا وتقريبا مش هتستفاد من الحقنة حاجة ..

⚫ثانيا بقي الحقنة هتكلكع وممكن توصل أنها تعمل خراج لا قدر الله ..

 

وأخيرا مفيش حاجه اسمها سرنجة بدون ألم ومفيش حاجة اسمها السن الصغير هيكون بدون ألم ..

الألم معتمد ع خفة إيد اللي بيدي الحقنة وعلي نوع الدوا نفسه..