نصايح مهمة لست البيت 

إيمى عاطف

1️⃣لما تييجى تعملى محشى كل نوع وليه الكمية اللى تناسبه

🗯كيلو الكوسة بياخد ربع ك رز و نص ك طماطم وحزمتين خضرة

🗯كرنبة متوسطة بتاخد كيلو وربع من الرز

🗯كيلو البتنجان بياخد اقل من نص كيلو

🗯كيلو الفلفل الرومى ياخد نص ك رز

كل المعلومات دى عشان تعملى على قد احتياجاتك والحاجة ما تفيضش عشان االى هيفيض لو حطيتيه فى الفريزر مالوش لزمة طعمه بيغير عشان كده اعملى على قد احتياجك

نييجى للاكلات

2️⃣لو هتعملى محشى هتقدمى معاه ملوخية خضرة وسلطة وشوربة اى نوع

3️⃣لو هتعملى كبدة يبقى بطاطس محمرة وطبق سلطة وشوية طحينة

4️⃣الكفتة بقى لو بالصلصة فى الفرن هتقدمى معاها رز بالشعيرية

5️⃣الكفتة على الفحم او الكفتة من غير صلصة هتقدمى معاها طحينة وبطاطس محمرة

6️⃣البط دايما يبقى معاه محشى

7️⃣الفراخ يبقى دايما معاها ملوخية

8️⃣لو عملتى رقاق باللحمة المفرومة او جلاش باللحمة المفرومة قدمى معاه طبق شوربة و ملوخية خضرة وفراخ محمرة

9️⃣المكرونة بالباشاميل هتقدمى معاها شوربة وسلطة خضرة وملوخية