فراخ مشويه على الازازة

إيمى عمرو

الطريقه ..

تتبيل الفراخ .. ٢طماطم ،،٢فلفل ،،٢بصل،، ٢توم ،،لمونة ،،ملح و بهاراتك و ورقتين لورا ومعلقتين خل و شوية ماية صغيرين و فى الخلاط و تبلى الفراخ على بيات في التلاجة .. و جيبى ازازة كاكولا فاضية و حطى فيها نصها ماية و وقفى الفرخة عليها و ولعى الفرن من تحت أن نار هادية علشان تستوى من جوه لبرا

ة.. دى الفراخ المشويه ..

التاتش بتاعى بقى بدل ما صوص الفراخ ينزل و ارميه جبت صينيه و حطيت شرايح بطاطس و طماطم و بصل و فلفل أخضر و ملح و فلفل اسمر و كوباية ماية و وقفت الفراخ عليهم و نزلت عليهم الصوص و بصراحه الطعم تحفه .

الازازة.. ازاز صاروخ مش بلاستيك ومش بتفرقع متقلقوش مجرباها كذا مرة وبتاخد وقت من ساعة ونص ل ساعتين في الفرن والفرخه اكبر من اتنين كيلو و بتستوى عادى مش صغيرين و درجة حرارة الفرن أعلى حاجة وبالهنا