أسرار المطبخ الجمالي… كنزك في مطبخك يا ست الكل!

إيمى عاطف

 

مش لازم تروحي صالون ولا تشتري منتجات غالية… افتحي مطبخك وهتلاقي الجمال مستنيكي:

 

1. قهوة وسكر = سكراب الملوك:

ملعقة قهوة + نص ملعقة سكر + شوية زيت زيتون… افركي بيهم وشك بحركات دائرية واغسليه. هتلاقي بشرتك منورة وطرية كأنك عاملة جلسة سكراب بفلوس!

 

2. نشا وزبادي = تفتيح طبيعي:

ملعقة نشا + ملعقة زبادي، حطيهم على وشك 10 دقايق، واغسلي بمية فاترة. النتيجة؟ وشك هينور ويشد كأنه قمر 14!

 

3. ماء الأرز = سيروم طبيعي:

احتفظي بمية سلق الرز بعد ما تبرد، وامسحي بيها وشك بقطنة قبل النوم. بتفتح، تشد، وترطب… سحر والله!

 

4. معلقة عسل على شفايفك:

حطي عسل نحل قبل ما تنامي، بتصحي تلاقي شفايفك موردة وناعمة من غير أي مجهود.

 

5. جل الصبار وقطنة تلاجة:

حطي جل الصبار على قطنة وخزنيها في التلاجة، وامسحي بيها وشك لما ترجعي من بره… راحة وانتعاش وتنضيف فوري!

 

جمالك مش بعيد… ده في المطبخ جوّه الإيد!