التتبيلة لكل انواع السمك

ايمان العادلى

بنحط في الكبة فلفل رومي وحامي اخضر واحمر وتوم وكمون وملح وفلفل وكزبرة خضره ونضربهم كويس

وبعدين نحط عليهم ليمون ومعلقتين خل

نتبل السمك ال عندي واركنه ربع ساعه يشرب من التتبيلة

اولا #السمك_المقلي

عشان اخد سمك مقلي مقرمش من بره وطري من جوه زي بتاع المحلات لما احطه في الدقيق عند القليه أطلعه من الدقيق اغطسه في اناء فيه ميه واطلعه علي طول علي الطاسه ناخد احلي سمك مقلي

نفس الطريقة مع اي نوع سمك هنقليه الطريقة دي رهيبة

#السمك_المشوي في البيت عشان ميكنش فيه دخان وريحة شوي وحشه بمسح الجرلة بزيت واحط السمك في الردة واحط السمك علي الجرلة بعد ماتسخن شويه واشوي

#الجمبري المتبل المشوي

بدهن جرلة زيت واسخنها كويس وانزل بالجمبري ياخد صدمه واقلبه لحد ما ياخد اللون البرتقالي ارفعه من النار

#رز_السمك في حله فيها زيت بحط بصله كبيرة مقطعه قطع صغيره تاخد لون دهبي انزل بكوبين ميه واحط ملح وكمون ونص معلقة توم ولما تغلي انزل بالرز لما يتشرب اكون مجهزة نص كوب جزر مبشور احطه مع الرز يكمل سوا بياخد منه طعم روعه