مطعم لحوم البشر

إيمى عمرو

تعالي احكيلكم حكايه سريعه هتتصدم منها واحتمال مش تصدقها لانك اول مره تقرأ عنها ..

 

بص ياسيدي موقع تايمز مون أعلن في 2017 عن افتتاح أول مطعم بيطبخ لحوم البشر فى العالم في العاصمه اليابانية طوكيو اسمه “الأخ الصالح للأكل” او باليابانية ريسوتو أوتوتو نو شوكو ريوهين .

 

ده إسم أول مطعم قانوني في العالم يقدم لحوم بشرية .

 

و حقيقي يا عزيزي القارئ حوار اكل لحوم البشر ساعتها خرج بقي من إطار الخيال و الافلام و بقي واقعي و قانوني يعني بكل سهوله بتدخل المطعم تختار الي انتا عاوزه موزه بقي رقبه ايد رجل ممبار كلاوي الي انتا عاوزه و تقعد زي الباشا .

 

تستني الاكل يستوي و لحوم البشر مبتاخدش وقت اوي في التسويه ف اكلك هييجي بسرعه و طلعت ناس نفت الخبر دا لكن في صحف دوليه أكدت زي تايمز وخلافه .

 

المهم بقي المطعم قانوني و بتراخيص رسميه من الحكومه في اليابان أنه يبيع لحم بشر ممكن تحسها فكره غريبه او شاذه عن الواقع بس اليابان اصلا سامحه ب تناقل واكل لحوم البشر من 2014 يعني موضوع المطعم مكانش مفاجاه للشعب الياباني عادي يعني زي كنتاكي لما يفتح فرع جديد عندنا كدا هيقدم فراخ عادي مش هتتصدم .

 

وفكره اسم الاخ الصالح للاكل جايه من معني أن جيرانك و اصحابك لما يموتو ممكن يبقو وجبات عادي طب المطعم بيجيب الخزين بتاعه من لحوم البشر منين ؟

 

في ناس قبل ما يموت بيبيعو أجسامهم ب اسعار كبيره أربعين ألف دولار و ارقام كدا عشان أسرته تاخد المبلغ وهوا لما يموت المطعم ياخده و هم يا جمل بقي .

 

لكن المطعم مبيقبلش ب اي حاجه يعني العواجيز لا عشان لحمتهم ممش طازه الشباب الأقرب أنهم يتقبلو عادي وسعر الاكل في المطعم دا بيبدا من 100 دولار ونتا طالع و بيوصل لحد 1300 دولار ودا علي حسب نوع اللحمه و الشخص ميت من قد ايه و بنت ولا ولد كل دا انتا بتختاره .

 

بتختار هتاكل لحم انثي ولا ذكر الاول بعدها تختار وجبتك عادي يعني المطعم دا عادي تدخل المطبخ بتاعه تلاقي دماغ انسان بتتسلق في حله ولا حد بيخلي فخده من العضم ولا بسله بصوابع زينب لا صوابع واحده اسمها زينب بجد أو واحد بيعمل كفته قلوب كدا يعني و عندهم ام علي برضو بس دي ام علي الحقيقيه نفسها و المطعم شغال و زي الفل مفيش حاجه أنا قولت اقولك بس …..