وصفات لتطويل الشعر

إيمى عاطف

ضيفي معلقة واحدة من الوصفة دي لنظامك الغذائي لنمو شعرك بسرعة

الوصفة اللي معانا النهاردة هي علاج بسيط وفعال بيدي نتايج مضمونة 100% لنمو الشعر ، وهي كلها من مكونات طبيعية وسهلة التحضير وتقدري تدمجيها بسهولة في نظامك الغذائي اليومي ، تابعي معانا السطور الجايه واتعرفي على وصفة زيادة نمو الشعر.

وصفة زيادة نمو الشعر:

كل اللي هتعمليه انك هتاخدي معلقة واحدة من الوصفة دي وتضيفيها لوجباتك ، سواء ارز ابيض او مع السمنة في الاكلات.

عشان تحضري الوصفة هتحتاجي المكونات دي:

– اوراق الكاري.

– عدس اصفر.

– عدس ابيض.

– بذور الكمون.

– قرنفل.

– بذور فلفل اسود.

طريقة التحضير:

1- هاتي من 2 – 3 حفنة من اوراق الكاري الطازة ، اغسليها كويس وسيبيها لحد ما تنشف تماما.

2- لما اوراق الكاري تجف حمصيها في طاسة على النار لحد ما تقرمش.

3- في طاسة تانية سخني معلقة واحدة من الزيت ، وضيفي له معلقة من الفلفل الاسود معلقة من بذور الكمون ، وقلبيهم مع بعض لمدة دقيقتين تقريبا.

4- شيلي بذور الفلفل والكمون من الطاسة ، وفي الزيت الباقي ضيفي العدس الاصفر والعدس الابيض ، وقلبيهم لحد ما لونهم يتحول للون البني ، حوالي دقيقتين.

5- بعد كده ضيفي من 8 – 10 اعواد قرنفل للطاسة وحمصيهم لمدة دقيقتين كمان ، مع التقليب المستمر.

6- بمجرد ما تحمصي كل حاجة ، شيليهم من الحرارة وسيبيهم يبردوا تماما.

7- انقلي كل المكونات اللي حمصناها لمطحنة الخلاط واطحنيهم لحد ما تحصلي على مسحوق ناعم.

مع دمج معلقة واحدة من المسحوق ده لوجباتك ، هتزودي من نمو الشعر بشكل صحي.