موضة البليزر الكاروهات Plaid Blazer و أفكار إزاي تلبسيه

إيمى عاطف

البليزر الكاروهات من القطع اللي هتبقى موجودة بقوة ، وده لأنها مش بس بديل للجاكت لكن كمان في نفس الوقت هتساعدك تعملى لوك بيزنس كاجوال مناسب جدا للمكتب و الشغل و الجامعة، عشان كده في المقال ده هتعرفي معانا ايه هي موضة البليزر الكاروهات Plaid Blazer وهنقولك على أفكار إزاي تلبسيه وكمان هنقولك بالصور على نصايح وأفكار لتنسيقات مختلفة

1- الأوفرسايز :

بليزر كاروهات بحجم كبير أو أوفر سايز مع جينز slim وسكيني هيعملوا التوازن المناسب للوك بتاعك لو بتحبي تعملى ستايل الأوفرسايز، ممكن تلبسيه مع بوت مفضل عندك أو سنيكرز أخضر.

2- على سويتر :

لما الجو يبرد ممكن تلبسي سويتر مش طويل أوى تحت البليزر عشان تعملى كاجوال لوك يبقى مناسب لأي من مشاويرك اليومية، و لو البلايز مليان ألوان ممكن يبقى السويتر اللي تحته بلون basic زي الأبيض أو الأسود، عشان ده هيخلي البلايزر يبان بألوانه أكتر و هيخليكي تعملى لوك بروفاشينال.

3- مع توب أسود و كعب عالي :

لو رايحة مشوار محتاجك تبقي شيك أكتر بس عملية في نفس الوقت، تقدرى تلبسي البليزر مع قميص أسود وشوز بكعب عالي و ripped jeans.

4- على جيبة و بوت :

ممكن كمان تلبسي البليزر الكاروهات الطويل مع جيبة قصيرة و تيشيرت أبيض تحتهم، الستايل ده هيساعدك تعملى لوك كاجوال و مختلف.

5- كجزء من بدلة :

البدلة خيار بديهي ومنطقي طبعا، ممكن تجربي تلبسي البليزر والبنطلون من نفس شكل الكاروهات و بنفس الألوان عشان تبقي لبستي بدلة سيمي فورمال أو بيزنس كاجوال لإجتماعاتك المهمة و الشغل، وعشان تخليها ستايلش أكتر ممكن تلبسي معاها تيشيرت أبيض وحزام و شوز فلات كلاسيك، وعشان تلبسي نفس اللوك لبلليل بدلي الشوز الفلات بشوز كعب عالى مع straps.

6- مع تيشيرت مخطط :

امزجي بين نقتشين بانك تلبسي التيشيرت المخطط مع البليزر الكاروهات و يبقى شكلهم حلو ويمشوا مع بعض، لكن عشان يبقى شكلهم متناسقين التزمي بانهم يكونوا من عيلة الألوان الأحادية زي الأبيض و الأسود و البني ودرجات الجراي، و لو حابة تدخلي لون في اللوك بتاعك، ممكن تلبسي سكارف بلون مطرقع بس يكون لايق برده، ولو الكاروهات اللي في البليزر كبيرة يبقى البسي تيشيرت الخطوط فيه رفيعة شوية.

7- مع دريس قصير :

ممكن كمان تلبسي البليزر لأي مناسبة مع دريس قصير تحته و تخليه مناسب للجو بإنك تلبسي معاه بوت برقبة طويلة، الطريقة دي ممكن تمشي كمان مع أي سويتر دريس تحبيه.

8- مع توب برقبة :

بسبب اللوك الكلاسيك للبليزر ممكن تلبسي معاه توب برقبة و حلق مميز بحجم كبير، التوب برقبة تحت البليزر هيخلي باقى اللوك سيمبل و الرقبة العالية للتوب هتلفت الاهتمام للحلق.

9- مع بوي فريند جينز :

واحد من أحلى ستايلات الصيف و الربيع اللي ممن تلحقيهم دلوقتي هو انك تلبسي البليزر مع سكيني جينز بلون فاتح و توب ناعم من الحرير أو الشيفون، اللوك ده سهل تعمليه و خفيف ومش هيضايقك فى الجو و كمان مناسب لمناسباتك و خروجاتك بالنهار والبليزر بالطريقة دي هيساعدك تحولي أي لوك صيفي بتحبيه لشتوي، ببساطة البسيه وق أي بلوزة صيفية بتحبيها.

10- مع اللون الأسود :

اللون الواحد موضة مابتنتهيش أبدا، ومعروف ان اللوك الي كله أسود دايما سهل وشيك بأقل مجهود، في المرة الجاية اللي تقرري تعملي فيها لوك كله أسود جربي تلبسي معاه البليزر عشان يساعدك تعملى لوك مميز و فريد و كلاسيك ة طبعا هيبينك أرفع وأطول مع الشوز العكب المناسب.