حيل ونصايح سريعة للموضة 

إيزال طارق

1- لو بتلبسي بلوزات فتحتها كبيرة

لو عندك بلوزات فتحة الصدر بتاعتها واسعه او لو دايما حمالة ال bra بتبان من تحت هدومك تبقى الخدعة العبقرية دى مناسبة جدا ليكى ، خيطى “كبسولة” من بتاعت الهدوم على طرف كتف البلوزة و اقفلى بيها الbra زى ما باين فى الصورة ، الطريقة دى مش بس هتدارى الحماله لكنها كمان مش هتخلى البلوزة تقع من على كتفك ابدا .

2- سوستة البنطلون بتتفتح ؟

واحدة من المواقف المحرجة جدا اللى بتقابلنا انه سوستة البنطلوناتو خصوصا الجينز تقعد تتفتح كل شوية ، علشان تتجنبى الموقف المحرج ده دخلى حلقة سلسلة المفاتيح فى سوستة البنطلون ، و ارفعى السوستة و علقى الحلقة على زرار البنطلون و بكده السوستة مش هتتفتح لوحدها ابدا.

3- خلى الشوز ريحته حلوة

البيبي بودر فعالة جدا فى انها تزيل الروايح السيئة من الشوز و الاحذية ، خصوصا اننا داخلين على الصيف و بنعرق اكتر من اى وقت تانى فى السنة . حطى طبقة من البيبي بودر على رجلك من تحت و صوابعك قبل ما تلبسى الشوز و هتلاحظى انه رجلك بتعرق اقل و كمان مفيش اى ريحة مزعجة .

4- إزاي تخبي حمالة البرا بتعتك بحيلة ذكية

اوقات كتيرة في الصيف والحر بنحب نلبس توب حملات بس بتواجهنا مشكلة حملات البرا إنها ممكن تكون باينة وشكلها مزعجة وفعلا مش كل البنات بتحب تلبس البرا ال strapless أو اللي من غير حملات عشان مش بتبقي مريحة زي البرا العادية.

حيلة بسيطة وذكية باستعمال كلبسات ممكن تشبكيها في حملات البرا مشبك من قدام و مشبك من ورا وتنزليها لتحت بحيث إنها تخبي تماما الحملات ومتخليهاش باينة على الكتاف, الطريقة موضحة بالصورة بالخطوات ولو معرفتش تجيبي الكلبسات ممكن حتي تستعملي مشبك الورق هيقوم بنفس الوظيفة بظبط.

5- علشان تزيلى بقع السبراي

استخدام السبراي و مزيلات العق او البرفانات مهم طبعا ، لكن المواد دى بتسيب بقع على الهدوم خصوصا لو من اقمشة ناعمة زى الشيفون و الحرير و الستان ، علشان تشيلى البقع دى استخدمى ال wipes و امسحى بيها البقع و هتلاقى نتيجة حلوة جدا .

6- اتخلصى من بقع العرق الصفراء

الصيف داخل علينا خلاص و بنعرق كتير جدا ، مش بس العرق بيضايقنا و يسببلنا مواقف احانا بتكون محرجه ، لكنه كمان بيسيب بقع صفراء مزهجة على الهدوم خصوصا لو كانت بيضاء او هدوم الوانها فاتحة. الحل بسيط جهزى ازازة فيها عصير ليمون و رشى منها على المناطق المبقعة من الهدوم بتاعتك قبل ما تغسليها و بعدين حطيها فى الغسالة و اغسليها بالطريقة المعتادة .

7- عايزة هدومك تبقى ناعمة ؟

الهدوم ممكن بسبب غسيلها الكتير فى الصيف يبقى ملمسها خشن و مزعج ، علشان تنعمى هدومك بطريقة رخيصة و غير مكلفة انقعى ملابسك ” خصوصا القطنية ” فى مياة بملح و سيبيها من يومين ل 3 اايام و بعدن اغسليها بالطريقة العادية ، هتلاقى هدومك بقت ناعمة و هتفضل ناعمة على طول .