كيكه_الحليب_الساخن
إيمى عاطف
المقادير
٢ كوب دقيق
كوب سكر وممكن لو بتحبوها مسكره اكتر نزود نص كوب كمان
كوب حليب ساخن
نص كوب زيت
٢ معلقه زبده او سمنه
٢ معلقه صغيره بيكنج بودر
ربع معلقه صغيره ملح
٤ بيضات
معلقه صغيره فانيليا
معلقه صغيره خل
الطريقة
– فى بوله هنخفق البيض مع السكر والفانيليا بالمضرب الكهرباء يفضل او بالعادى ولكن هياخد معانا وقت ومجهود لان لازم الخليط يكون هش وفاتح نضيف الزيت ونكمل خفق ( ممكن نعمل الخطوه دى فى الخلاط )
-و بنخلط الدقيق والملح والبيكنج بودر جيدا ثم بنضيفهم وحده وحده على خليط البيض والتقليب بالراحه وهنا الخليط بيكون سميك
– بنسخن الحليب والزبده على النار يكون سخن مش مغلى ثم يضاف وحده وحده مع التقليب ومع اخر حبه بنضيف معلقه الخل ونقلب جيدا
– يصب الخليط فى صنيه مبطنه بالسمنه والدقيق ويدخل الفرن الساخن على ١٧٠
– لو الخليط فى صنيه كبيره والعمق مش كبير هياخد من ٢٥ ل٣٠ دقيقه
– لو الصنيه صغيره والعمق بتاعها كبير هتاخد مده اطول وناخد بالنا من السوا كويس بنبدا نتابعها من بعد ٢٥ دقيقه ولو اخدت لون وهى لسه مش مستويه بنغطيها بورق خبز او فويل ونهدى الفرن ل ١٦٠
– نتركها تبرد وممكن تقدم زى ماهى او نزينها بالكريمه او بالسكر البودره او اى صوص متاح عندنا
اكتشاف المزيد من بوابة العاصمة
اشترك للحصول على أحدث التدوينات المرسلة إلى بريدك الإلكتروني.
