بيتزا سجق

 

المقادير:

٣ أكواب دقيق

معلقتين زيت

معلقة ملح

معلقة سكر

كيس خميرة فورية

كوب ميه دافية

الطريقة:

ضيفي الخميرة والسكر علي الميه الدافية

ضيفي الدقيق علي الملح وقلبيهم مع بعض

حطي الخميرة علي الدقيق وعليهم الزيت واعجيني ضيفي ميه بالتدريج لحد ما تكون عجينة طرية ومتماسكة

غطي العجينة وسيبها تخمر ساعة

لصلصة البيتزا

في طاسة ننزل بمعلقة توم مفروم تاخد لون نضيف معلقتين صلصة طماطم ورشة زعتر ملح وفلفل اسود

نجيب العجينة نقطعها كور علي حجم الصينية ونفردها

في صينية مدهونة زيت وندهنها بالصلصة

لحشو السجق:

ننزل في طاسة بمعلقة زيت عليها قطع سجق ونشوحها تاخد لون ننزل بفلفل حار ورومي وطماطماية قطع صغيرة

نحط الحشوة علي العجينة وعليها جبنة موتزريلا

وتدخلها الفرن علي شبكة متوسطة

اول ماتأخد لون من الأطراف تبقي استوت

وبألف هنا