انا عاوزة اسأل ايه المفروض يحصل مع زوج متجوزين بقالنا ١٤ سنة ومعايا ٣ اطفال

الزوج له تجارب كتيييير جدا قبل الجواز ومكنتش اعرف وخبا عني واتفجأت بكل حاجه بعد الجواز بس قولت خلاص ربنا اكيد تاب عليه بقا ونفتح صفحة جديدة قعدت سنين اعاني معه من كلامه عالنت والبنات وطلبت الطلاق منه كتير وبالفعل اطلقنا مرتين ورجعنا عشان خاطر الاولاد وهو من كتر المشاكل بطل يكلم بنات وقولت خلاص بقا فرحت استقرينا واتارى كنت فهما غلط اتحول عليا وبقا كل شويا يتهمني اني بعمل شي غلط بكلم رجالة وعملت علاقات اكيد معهم وان العيال دى ممكن ميكونش عياله وطبعا اتخنقنا والاهل ادخله وقال انا مقولتش ومعلش واسف وبحبها وطبعا رجعوني ورجع يتكلم بنفس الطريقة تاني ومصمم اني عملت كدا ومش بس كدا دا جايب فيديو من عالنت لوحدة ويقولى انتي والست دى وشها مش باين اصلا فالفيديو ولما قولتله هعمل مشكلة ومش هسكت طالب مني مقولش لحد وفنفس التوقيت عايش حياته معايا بشك فيا وانا يشهد الله اني معملتش ولا حاجه من اللي بيقولها ايه الحل ..انا بفكر جدياً أطلق منه بس كل مااكلم حد يقولى العيال اعمل ايه

رد بريد قراء بوابة العاصمة

دة بنسبة كبيرة اضراب ثنائى القطب ولازم يتابع مع طبيب نفسى لان الموضوع ممكن يتطور اكتر ويبقى خطر وهيتخيل حاجات مش موجودة اصلا