كل الدعم للابطال  … التجديف يحتاج للاستمرار لتحقيق ميداليه

كابتن ابراهيم العزبى

كل الدعم للابطال

لان التجديف يحتاج للاستمرار لتحقيق ميداليه

بعد تعرض لاعبي التجديف للنقد الغير مبرر علق اللاعب احمد خالد لاعب الزوجي المزدج خفيف الوزن رغم انهم كسرو زمن التصفيه الاولي في في المره الثانيه 6ثواني وهذا انجاز يحسب علق علي بعض التعليقات قائلا

الحمد الله وقدر الله وماشاء فعل

شكرا لكل واحد انتقد او جرح او اتريق واحنا ف اصعب اوقات بتمر علينا شكرا لكل من شجع وساند

وزي ما حضرتك كان نفسك نكسب احنا كنا اكتر ناس نفسنا نكسب

لا سفرنا وسطه ولا محسوبيه ولا ضيعنا فلوس البلد والحمد لله مغرقناش او توهنا زي ما البعض وصف

بس صدقني لو حضرتك حابب تحاسب فا اللاعب اخر حد ممكن تحاسبه لان اللاعب اكتر حد تعرض للضغط وكان نفسه يكسب

حضرتك لو حابب تحاسب وتنتقد فى شويه أمور اعرفها الأول وانتقد وحاسب اللاعب وصدقني لو الأمور دي عرفتها هتشفق عليه مش هتحاسبه

حضرتك وانت بتتريق علينا اعرف ان سفرنا قبل السبق ب ٤٨ ساعه بعد ضغط ومعاناة وورق مخلصش ومش عارفين هنسافر امتى

حضرتك وانت بتتريق اعرف ان لا معسكر داخلى ولا خارجي غير معسكر واحد ١٠ ايام ف اول السنه

وحضرتك بتحاسب اعرف ان ملعبتش غير سبق واحد دولى من عده سبقات كتيره كان مفروض نشارك فيها ومتمش بسبب قله الفلوس ومفيش ومنين وكل يوم الوزاره بتعلن انها بتصرف وتدعم الابطال عشان تقول اهدرنا المال العام طب تحب اقولك لما اتأهلت خت كام والمعلن عنه كان كام ؟

حضرتك اتريق عليا وانا لاعب ميزان خفيف غير متوفر ليا دكتور تغذيه او إصابات او تأهيل او مكملات

بتعتمد على نفسك وخس زي ما تخس اوقات بتعدى علينا قبل السبق بنام من غير اكل عشان الميزان

حضرتك انتقد واحنا سايبين شغلنا بالشهور عشان اركز واعوض قله الإمكانيات بالرغم من الالتزامات اللى علي الاعب المديه

وخلى حضرتك عارف ان بندفع من جيبنا مصاريف اخصائى طبى للمساج وتصريح سفرنا وحجات كتير لو حسبناها والله بنصرف عالرياضه حضرتك متعرفش عنها حاجه

انت بتحكم من النتيجه بس صدقنى لو دخلت ف تفاصيل هتعرف ان الاعب مجرد اداه بيتاخد بيها الشوه واللقطه فقط

حضرتك اكيد عارف ان مسفرناش من فراغ

فى تصفيات داخليه لاختيار تمثيل المنتخب

ولازم تكسب بطوله عالم او أفريقيا عشان تتأهل وان دي تانى محوله ان العب أولمبياد بعد عدم توفيقنا ٢٠٢٠ استمرينا وربنا كرم ف ٢٠٢٤ يعني احنا مش فشله ولا محسوبيه احنا أبطال

ولكن ….

حضرتك وانت بتقول علينا بنتفسح اعرف ان من قله الاهتمام والامكانيات وعدم الدعم وصلنا لمرحله ان ياريت منسافرش عشان متفكرش انها سبوبه

حضرتك انتقد وانت عارف إن مفيش ملعب واحد ف مصر خاص للتجديف وأننا بنتمرن ف نهر النيل ودا غير مناسب تماما وكله مخاطر ولاعب بسبب المخاطر اتوفى من اسبوع

انتقد برحتك وحقق ان بلدك تكسب بس ياريت متجوش علينا بكلام جارح واحنا اخر ضلع ممكن تحسبه