بدون اسم من فضلك. انا رجل في أواخر الثلاثينات، اعمل في عمل مرموق، متزوج من ١٠ سنين، عندي طفلين و زوجتي تعمل.
زوجتي تريد الانفصال لأسباب بسيطة و ليست اساسية بشهادة الجميع بما فيهم أهلها (ليست خيانة او ضرب او اهانة او بخل او عدم تواجد او عدم تحمل المسئولية…).
اسباب الانفصال حسب قولها هي اني ما بقتش حنين عليها زي زمان، ما بقتش بحبها زي زمان، بقيت عصبي، مفيش كلام حلو، مفيش دلع، مفيش تجديد.
مع العلم انها أصبحت لا تقوم بدورها كزوجة او كأم و أصبحت متمردة علي الحياة و لا تهتم بي كزوج او بالبيت او بالاولاد (مفيش اكل، مفيش توضيب للبيت، مفيش اهتمام بالاولاد، مفيش اهتمام بيا شخصيا) و اصبحت تخرج بدون اخباري.
و يوجد حد بينضف يوم في الاسبوع.
مع العلم اني مديها مطلق الحرية في الخروج و السفر و مديها عربية و لا تقوم بصرف جنيه في اي شئ بطلب مني.
و انا من ناحيتي كنت اقوم بمساعدتها في كل شئ ظنا مني ان هذا حب و مشاركة و دعم لها حتي أصبح حق مكتسب و اصبحت تتهرب من مسئوليتها.
أصبحت شايل مسئولية و مهام الاب و الام و الزوج.
أصبحت اقوم بتجهيز الاكل للأولاد و المذاكرة و توصيلهم التمارين و غسل الاطباق كنوع من انواع المساعدة و المشاركة و الدعم لان ظروف عملي تسمح لي بالرجوع قبلها و كل هذا يقابل بعدم التقدير و عدم الرضا.
و انا احاول ان احافظ علي البيت من الهدم و لذلك حاولت الكلام و المناقشة معها عدة مرات للاصلاح و لكنها ترفض مناقشة المشاكل لحلها.
بالاضافة انه لا يوجد أي خلافات عائلية بين زوجتي و عائلتي او بيني و بين عائلتها.
مع العلم ان والدها و والدتها منفصلين من سنين.
و انا و أهلها غير مقتنعين بأن هذه الأسباب تؤدي الي هدم البيت.
ارجو النصيحة.
رد بريد قراء بوابة العاصمة
مش معنى أن حضرتك قائم بوجباتك انك كده زوج مثالى ومحصلتش دى حاجات مفروضه عليك الأساسيات فين لازم الزوجين يكون قلبهم على بعض فى موده ورحمه اهتمام احساس بالحنان والاحتواء كلمة تسلم ايدك ووجودك اللى بيخلى الدنيا مهما كانت صعبه احسن بالدنيا الابتسامه حتى النظره اللى فيها حب احسن من مليون جنيه جبر الخواطر بيخلي الشخص يهد الدنيا عشانك واحساسك انك زى الاثاث فى البيت يهد الشخص ويحس حاله ماكينه اله فى البيت وخلاص
