محطات من مشوار رينيه ڤايلر السويسري مع الأهلي

إيمان العادلى

فاز بالسوبر المصري بالفوز على الزمالك ٣-٢.

تصدر الدوري المصري بعد ٢٠ جولة صدارة تاريخية بالفوز في ١٨ ماتش و التعادل في ماتشين و بتسجيل ٥٢ هدف و إستقبال ٥ أهداف أقوى دفاع و أقوى هجوم.

صعد بالأهلي لنصف نهائي دوري أبطال إفريقيا في أول تجربة إفريقية له في التاريخ و بوجود إصابات و مشاكل كتير في أهم ماتشات البطولة زي ماتشات الهلال و صن داونز.

شخصيته مش الشخصية اللي بتتحجج كتير و بيتعامل مع الواقع سواء عنده إصابات أو غيابات أو لاعيبه إختارت تمشي هو ثقافته التعامل مع المتاح و تقديم أقصى إفادة منه للفريق.

ڤايلر على مدار السنة قد يكون أخطأ في بعض الأمور زي أي كوتش في العالم لكن كمجمل مدير فني فهو يستحق كل الدعم من الجماهير قبل ماتش بكره و بعد ماتش بكره اللي بيدخله بكم غيابات و إصابات ماحصلتش قبل كده و مهما كانت النتيجة هو مدرب عنده الإمكانيات اللي تخليك مطمن في وجوده و ده الديربي الرابع له مع الأهلي فاز في ٢ منهم ١ إنسحاب و واحد تعادل إنتهى بركلات الترجيح و بإذن الله يكون الفوز بالديربي التالت بكره لك منا كل الدعم.