أطيب قلب بقلم/عزة راضى
_________
بتسألنى عن الطيبة
أقول هى …..
حبيبتى جميلة
وعيونها عسلية
وتسأل تانى
أرد وأقول
رجاء هى
سماحة الروح وحنية
بياض القلب
عمرى ماشوفت يوم زيه
أقول زعلان تقول سامح
دا ربى بيغفر ويسامح
ولو جالك عدوك بيتك
أنسى الغدر و أتصالح
مع نفسك مع غيرك
دا يوم الدين
تلاقى كل أعمالك
وخلى الخير يزيد ويفيض
دا هو دا اللى يبقى لك
وأوعى فى يوم تنام زعلان
ولا شايل لذرة حقد فى قلبك
خدها نصيحة من قلبى
هتبلغ بيها الجنة
ورضا ربك
حبيبتى ياأمى أدعى لى
اكون زيك …..
يارب ياأمى اكون زيك
ولو جزء بسيط منك
ومن طيبتك
ياباب مفتوح وقبلة لكل أحبابك
ياحضن كبير يجمع من الحبايب ألف
أولادك واحفادك
يابركة ياأمى جوة البيت
هدية ربنا لينا
بدعواتك فى صلواتك
بتحمينا وتهدينا
لكل صواب وكل صلاح
وتتحقق أمانينا
ولما بتدعى لولادى
بأمن وايا دعواتك
وأدعى كمان
لربى يحفظك لينا
يارب
يحفظك لينا
التعليقات مغلقة.