سلاما يا طيب
ولاء حجازى الدقهلية
وداعا يا طيب طبيب القلوب
يا راجل يا طيب وعملك يدوب
تداوي الغلابة تطيب قلوووووب
وخيرك ف باقي ويمحي الذنوب
يا واهب حياتك لكل الغلابة
يا زاهد فدنيا ماليها الديابة
عطاءك كبير دليل إنسانية
وحب الجميع لقلبك علامة
وداعا محمد مشالي الجميل
طبيب الغلابة وعمله دليل
مداوي وشافي جراح العليل
سلاما يا طيب يا راجل أصيل
راعيت الفقير وعملك ده غير
وعمرك ده كله وهبته ف خير
وشاهده حياتك مواقف كتير
ملكت القلوب راعيت الضمير
ودلوقتي جالك ميعاد الحصاد
وباكية عليك قلوب العباااااد
وداعيه برحمة ليوم التنااااد
سلاما يا طيب ف كل البلاد
التعليقات مغلقة.