لحظـه لُـقـا!!
لو تسمعى قلبى ياشوق
لو تخلعى طرحة ظنونك
وتراعيني وتنسى لومك
عند أول ضوء
لـو تـفـردى البسمه اللى
حرنـانـة , تفكًى الطـوق!
*
مع إنى واقف جنب منك
بس تايه/
والضنى بيزيد ف بؤسى
وعـشان ماليش ف الـسما,
نجمة بتهدينى
بمسـك ف ديـل الأمـل
علشان تطيب نــفـسـى
*
وعـشان م تنسى تفتًَشى
ف/ دفتر سنينى وتنكُشى/
وتوغوشى قلبى الحنون
ح يكون م بينى وبينك/
شرط , ومعاهـده:
تتملًِى قلبى بدون مناهده
تلهلبينى بنار شفايفك
تزرعى ف روحى المودًَه
عشان م يبقى فى احتمال
نِشبط ف لحظة لُـقـا!!
************
الشاعر/أحمد عفيفي
دمياط/ مصر
اكتشاف المزيد من بوابة العاصمة
اشترك للحصول على أحدث التدوينات المرسلة إلى بريدك الإلكتروني.
