العاصمة
جريدة تصدر عن مؤسسة بوابة العاصمة لتنميه المجتمع

أفتاكسات زوج محظور

(الجزء الثانى )أفتاكسات زوج صايم

إيمان العادلى

 

الحلقة الواحدة و الستون

 

إلهام و ممدوح

 

(الجزء الثانى )أفتاكسات زوج صايم

 

ممدوح طهق من إلهام وعمايلها والحظر وسنينه وقعدته فى البيت ليل نهار و ٠٠٠٠٠٠

 

إلهام : دوحة ياحبيبى أصحى بقينا الظهر

 

ممدوح : أيوة يابنتى فيه ايه ؟

أنتى بتصحينى ليه دلوقت أنا نايم متأخر من عمايلك السودة

 

إلهام : هو يعنى انا اللى نايمة من المغرب ما انا نايمة معاك بعد خناقاتك ونكدك يا روح الروح

بقولك أنا رايحة لخالتو أعزى مرات أبنها مصطفى ماتت من يومين ولغاية دلوقت مروحتش أعزيهم

 

ممدوح : طيب يا روحى وخدى الباب فى إيدك وأنتى نازلة

 

إلهام : هو ايه اللى طيب ده اقوم يلا

 

ممدوح : اقوم ليه عاوزة اعمل ايه بس على الصبح يا إلهام

 

إلهام : تيجى معانا توصلنا وتعزى خالتو ومصطفى كمان انت عاوزنا نتبهدل فى المواصلات و نتصاب بالمرض وكورونا

 

ممدوح : (يارب يا أختى مش بعيد عن ربنا ) لا ياحبيبتى بعد الشر عنكم كلكم بس أنا حعزى خالتك ليه وقعدة ستات وكده

سيبينى أروح لأبن خالتك مصطفى لوحدى أحسن

 

إلهام : هما فين الستات يا حبيبى مفيش عزا أصلاً ما انت عارف التجمعات ممنوعة

 

ممدوح : ولما هو مفيش عزا اصلاً مصحيانى على الصبح ليه وأرفانى معاكى

 

إلهام : ياحبيبي علشان ابن خالتى يعنى لازم نروح

 

وبعد ما حضرت الفطار و ٠٠٠٠

 

إلهام :ممدوح أنت نمت تانى ولا أيه

 

ممدوح : هو أنا بعرف أنام ولا أتنيل فى البيت ده منك ومن عمايلك

يا شيخة أتقى الله فيا وشوفيلك شغلانة غيرى

 

إلهام : الله مطولك يا روح( صدق اللى قال لو لك عند الكلب حاجة قوله يا سيدى )

معلش ياحبيبي كلها عشر دقايق بس نسلم على خالتو وأبنها ونقولها شدي حيلك وخلاص

 

ممدوح : أنتى قلتى ايه يا هانم بصوت واطى فى سرك

سمعينى كده

 

إلهام : مقلتش ده انا بقول

من غير سلامات يا حبيبى عشان الامراض وكورونا ونمشى علطول

 

ممدوح :طيب ماشي من غير سلامات ونمشى علطول

أمرك لله يا دوحة قومى جيبيبلى

البنطلون الأسود أللى شبه إيامى أللى عايشها معاكى

 

مها: طيب يا دوحة الله يسامحك وطى صوتك شوية علشان مش كل شوية العيال والجيران يسمعوا صوتنا

دوحة

مش لاقية البنطلون الأسود بينه فى الغسيل ياروحى

 

ممدوح : طيب مش حتخانق فين البنطلون الكحلى

 

إلهام : ايه عَلِى صوتك شوية مش سامعه

 

ممدوح : يوووووه

فين الزفت البنطلون علشان نخرج

 

إلهام : ماقلنا وطى صوتك البنطلون الكحلى أه فى دولاب الواد خالد

 

ممدوح: بينيل ايه فى دولاب المحروس أبنك

 

إلهام : لبسه مرة ايه جريمة يعنى

 

ممدوح : ويلبسه ليه يا هانم

طبعا جريمة وتسيب منك وإهمال

أنتى عارفة أنى مبحبش حد يلبس لبسى

 

إلهام :وانا ايش عرفنى أنك بتقرف من إبنك هو أنا هحرسلك هدومك

 

ممدوح : اوعى من وشى كان يوم اسود يوم ما اتجوزت

حسبي الله ونعم الوكيل فيكى يا بعيدة أشوف فيكى يوم والله ما انا قاعدلك فيها ولا رايح معاكى

 

إلهام : إهئ إهئ يا ميلة بختك يا إلهام توب عليا يارب من الحظر وسنينه

ياعينى عليا من عمايل جوزى فيا و ٠٠٠٠

 

يوووووة أستنونى بكرة

التعليقات مغلقة.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد

آخر الأخبار
مجمع إعلام الجيزة ينظم ندوة حول "الانتماء وتعزيز الهوية الوطنية" بمعهد التمريض بالمنيب مؤسسو "فندق أهرامات تونس" يكشفون تفاصيل الصرح السياحي الجديد قبيل افتتاحه الكبير اليوم الخميس بالفيو... " من القاهرة ".. " بداية " الاحلام تتحقق ، حنان الدنيا بمركز التكوين المهني تدريب بهدف التمكين الاقت... النيابة الإدارية تكشف عن مستحقات للدولة تقترب من ٨٠٠ مليون جنيه مقابل تحسين مستحقة على مشروعات بالمن... وزارة النقل تستنكر قيام عدد من المواقع الإلكترونية بنشر أخبار غير مكتملة بشأن بلاغ مقدم للنيابة العا... شيماء اسماعيل : اتشرف بالترشح لرئاسة نادى القاهرة الرياضى لدورة 2026 _2030 معا بداية جديدة أفعال لا ... السكك الحديدية تناشد المواطنين حرق وإلقاء المخلفات بجوار شريط السكة الحديد يهدد سلامة المواطنين ويؤث... الجسر العربي للملاحة تعزز أسطولها بوصول القارب السريع «آشور» إلى شرم الشيخ أداء يستحق الفخر: عندما يتحول الواجب إلى عقيدة.. مسؤول مزلقان السادات يواجه النيران بمفرده غلطة موظف كلفتني 700 ألف جنيه وبيتي اتخرب.