كرهت السكوت

شعر ولاء حجازى،، الدقهلية

كرهت الشوارع وكل البيوووت
كرهت المشاكل وحتى السكوت
وكل المصالح ومين فيها صالح
كرهت الكلام كرهت السكوت

وحتي الحياة لفين منتهاها
لامتى النفاق يعدي الحدود
كرهت القرابة وكل الكآآآبة
وحتي الخداع ماليه الصمود

كرهت البشر دي زي الافاعي
بتضرب تلاقي بألفين مداعي
تسلم يا عيني ف حضرة جنابك
والفين أذية وساااابقة المداعي

كرهت الحكاوي وكل الغناوي
وكل اللي يحلف بحبي وناوي
ونفس النهاية فتتر الحكاية
وتخلص وشكرا لكل المساعي

كرهت الصحاب بتوع المصالح
وغدر العيون ومين كانلي صالح
كرهت الأخوةةةة وكل البنوةةةة
دموع قلبي منهم تصحى الجوارح

كرهت الحنين وشووووق السنين
ودمعة عيون خلاص مشتاااااقين
وحبي وحياتي وازمة لممااااتي
وراح عمري مني فقهر وانيييين

كرهت الطيابة وزهرة شباااابي
كرهت البراءة ف حضرة جنابي
لا فيا تسامح لكل اللي جاااارح
وامتي يا روحي تحنيلي تاااااني

كرهت الشعور وكل المشااااعر
وقلبي ده بور ومين بيا شاعر
يا مر السنين ما تبعد وسيبني
الملم جروحي وقلبي اللي شاعر

كرهت المتاعب وكل اللي تاعب
حياتي تملي تمر بمصااااااااعب
وازمااات بتتعب فقلبي وعمري
وبهرب بروحي وقلبي اللي تاعب