أفتاكسات زوج محظور

إيمان العادلى

الحلقة الثالثة و الخمسون

(الجزء الثانى ) أفتاكسات زوج صايم

إلهام وممدوح

بعد حورات وحبشتكنات من رهف وخالد سامية خالتهم زعلت وحلفت ما تبات عندهم و ٠٠٠٠٠٠

ممدوح : صباح الخير يا إلهام مالك شده العزم على الصبح ورايحة فين

إلهام : منمتش طول الليل يا دوحة بفكر فى سامية أختى وأنها مشيت زعلانة

ممدوح : كله من مقاصيف الرقبة عيالك دبوها فى وشها
(هههههه عيال ممدوح بصحيح )

إلهام : أه لما يعملوا مصيبة يبقوا عيالى ولما يبقوا فالحين يبقوا عيالك
وعجبى يا دوحة
أنا حنزل أروح لها عند ماما أصالحها

ممدوح : طيب خدى لبالك من نفسك

وعدى الوقت و٠٠٠٠٠

سامية : ايه أللى نزلك على الصبح يا إلهام كده

إلهام : جيت أصالحك يا أختى وأتأسف لك من عمايل عيالى

سامية : مش زعلانة ولا حاجة

توحة : ( ماما إلهام) عيال لسانهم فالت زى أبوهم
عاوزين تربية وقرصة ودن يا إلهام

إلهام : لا يا ماما معندكيش حق فى كده ماله ممدوح بقى

توحة : ملوش يا أختى بس برواى ولسانه متبرى منه وعياله زيه

إلهام : عاجبك كده يا سامية وأنا صاحية منمتش طول الليل علشان أجى أصالحك وأراضيك

سامية : خلاص يا ماما أسكتى بقى وبلاش تضايقى إلهام

توحة : منا ساكتة اهو وحاطة لسانى فى بوقى ( يا ميلة بختك يا توحة فى جواز بناتك الأتنين )

إلهام : قصدك أيه يا ماما ماله ممدوح إن شاء الله

توحة: أنا لا شفت حاجة ولا سمعت

سامية : يوووة يا ماما أنا ضغطى عالى ومش ناقصة ونازلة اهو ورايحة بيتى

إلهام : شفتى أيه يا ماما
أستنى يا سامية متنزليش إلا لما أعرف كل حاجة

سامية : أيه حبستنى هنا ولا أيه يابنتى شيلى إيدك خلينى أنزل

توحة : بصوا بقى أحنا عيلة واحدة والمفروض منخبيش حاجة على بعض ونكون صرحه

إلهام : فى ايه يا ماما خضتينى

سامية: انا نازلة ألحق عيالى وكمان أنا عندى السكر والضغط ومش حمل مناهدة

إلهام : لأ بقى محدش نازل ألا لما أعرف أنتم مخبيين أيه عليا

سامية :هستأذن أنا بقي عشان سايبة الولاد وحدهم..دى حوارات عائلية مينفعش نتدخل فيها

إلهام : نعم ياختى مش كنا عيلة واحدة من شوية تعالى هنا أنتى رايحة فين وسيبنى لوحدى

توحة : ياحبيبتى حلى مشاكلك انتى عارفة ان عندى الضغط ومش حمل انفعالات ولا خناقات
بصى بقى ممدوح متجوز عليكى

إلهام : إهئ إهئ
متجوز عليا
عاوزة أتطلق

يووووة أستنونى بكرة