أفتاكسات زوج محظور
(الجزء الثانى ) أفتاكسات زوج صايم
إيمان العادلى
الحلقة الثانية و الخمسون
(الجزء الثانى ) أفتاكسات زوج صايم
إلهام وممدوح
ممدوح يا حررام يلاقيها منين ولا منين
من إلهام مراته ولا سامية أختها
و ٠٠٠٠٠٠٠
ممدوح : طلاق ايه يا سامية ده أستهدى بالله كل حاجة لها حل
( دى بينها هى وأختها مجانين وأنت وقعت وسطهم يا ممدوح )
إلهام : بتقول حاجة يا حبيبى
ممدوح : لأ يا حبيبتى
ده أنا بكلم نفسى ( شكلى أتجننت زيك )
خالد: بت يارهف شكلها خالتو هاتعقد معانا
رهف: ايوة ياخويا ايامنا طويلة ماما وبابا وخالتو وجوزها
خالد: ههههه انا تمام كده هتنام معاكى مش معايا هههههه
رهف: لاء يافالح بابا هينام معاك انا وخالتو وماما مع بعض
خالد :ايون يعنى أيه حدبس انا فى بابا
ومش حستحمل بابا بينام من بدرى وهيكتفنى ويزعق فيا
رهف :انا مبسوطة فيك أبقى هاتله حبوب منومة
خالد : ماشى اعملى حسابك خالتو بتروح الشغل فى المستشفى ربنا يسترها
رهف: ياخبر ابيض كنت ناسية كورونا
ماما يا ماما انا مش قاعدة فى البيت ده أنا رايحة
عند نناه
خالد : عيب يارهف تعالى تحاول نقنعها تروح بيتها
وولادها وعمو إبراهيم أولى بالكورونا
رهف : عندك فكرة يافالح
الهام: رهف انتى يا بنت
رهف: ايوة ياماما
إلهام : تعالى امسكى خالتو وخديها أوضتك
ونادى على خالد يودى لها الشنطة جوه الأوضة
خالد: انا مش ماسك حاجة
رهف : ولا انا كمان
سامية : تعالى ياروحى ده أنتى حتى مسلمتيش عليا
رهف :لاء ياخالتو بس احنا مش بنسلم علشان كورونا
الهام: بتقولى اية ياغبية دى خالتو برضة
خالد: مايمنعش ياماما خالتو جاية من برة ومش عارفين سلمت على مين
سامية :اقولكم والله انا همشى انا غلطانة إنى جيت من أصله
ممدوح : ايه يا سامية عيب عليكى هتخدى على كلام شوية عيال وتساوى عقلك بعقلهم
سامية : عيال أيه يا ممدوح ده واحد شحط فى سنة تالتة كلية تجارة والتانية فى أولى ثانوى
إلهام : يا حبيبتى عيال برضه ميقصدوش الكلام
ممدوح: والله أنتم يا ستات عليكم حركات كده وتاخدوا بالكم من التوافه وتسيبوا أم
الموضوع الأساسى
سامية : كمان ياسى ممدوح تافهة كتر خيرك
إهئ إهئ إهئ انا مروحة وسيبهلكم الواحدة ملهاش الا بيتها
الهام : يا سامية عيب كده متفرحيش حد فينا
ممدوح : طيب اصبرى لما أحل لك المشكلة
سامية : انا ماشية من خرج من داره إتقل مقداره إهئ إهئ
الهام : يوووووة يا سامية
انتى حرة
رهف وخالد : واووووو نجحت الخطة هههههههه
استنونى بكرة ونشوف أخرتهم
اكتشاف المزيد من بوابة العاصمة
اشترك للحصول على أحدث التدوينات المرسلة إلى بريدك الإلكتروني.
