سكراب وغسول حمص الشام
جمالك من المطبخ مع رانيا
رانيا أسامة
ده اللي طلعت به من المطبخ النهارة
الناس اللي مابتعملش تقشير… ..
واللي بتشتري جاهز…. فالبيت بدون كيماويات افضل
ده ماسك تقشير عملته وانا واقفه بطبخ
من حمص الشام
اعملي حلابسه… يا حلوووووه
وخدي شويه حمص منقوع قبل السلق
يتفرم فالمطحنه… هيبقى شبه الصورة كده
عليه نقطتين ليمون اصفر ومازلت أكرر اصصصصصفففففر
واعملي اسكرب لأي منطقة فالجسم
وينفع كمان غسول بدل الاسكرب
زودي عليه شويه ميه ورد واغسلي به
عوزاه يدي زي رغوة وترطيب حطي معاه معلقة صغيرة فكل غسله جل الصبار
لما الاسكرب ينشف تجدديه
هيعمل ايه؟؟؟؟
هينضف
هيشد
هيبيض
هتدعيلي
مناسب لجميع أنواع البشرة
تعملي على قد يومين تلاته بالكتير ويحفظ بالتلاجه
الحمص عمرة قصير
هجرب اعمله بحمص ناشف خاااالص واقولكم
دمتم جميلات
