أفتاكسات زوج محظور
(الجزء الثانى ) أفتاكسات زوج صايم
إيمان العادلى
الحلقة الثلاثة و الثلاثون
(الجزء الثانى ) أفتاكسات زوج صايم
إلهام وممدوح
ممدوح سمع ال 20000 ج وأتجنن
وأسيبكم بقى تعرفوا بنفسكم
ممدوح : 20000 أيه يا روحى
أستنى كده أما أسلك ودانى
ها أنا سمعت غلط
مش كده يا إلهام
إلهام : إهئ إهئ سمعت صح يا دوحة نصيبى معاها بالنص فى المشروع 20000 ج
والنبى وافق يا حبيبى على المشروع ده بيكسب كتير
صحاب ليا أتنقلوا نقلة ايه من مكسبه
ممدوح : ده انا اللى حنقلك نقلة إنما إيه عنب حريحك خالص
محدش يحوشنى
تعاليلى هنا
إلهام : يالهوى يا عيال ألحقونى
خالد : يووووة يا بابا كل يوم خناق تعبنا منكم وزهقت انا شخصيا
والنييعمة لأسبلكم البيت ها
رهف : يوووة يا بابا تعالى كلم نناه فوفة على الفون الأرضى
ممدوح : ماشى يا إلهام إتصال ماما ده شالنى عنك أخلص واجيلك علشان أنقلك النقلة اللى نفسك فيها
إلهام : إهئ إهئ انا كده مظلومة معاك ودايما كاسر نفسى وسط أخواتى وعيلتى وعمرك ما عملتلى حاجة نفسى فيها
رهف : بس يا ماما بقى بطلى عياط
اكيد بابا حيهدأ ويفكر فى مشروعك يا حبيبتى
ممدوح : أيوة يا ماما أزيك يا حبيبتى وحشانى أوى
فوقية : ( ماما ممدوح )
أزيك يا حبيبى مال صوتك طالع ليه أكيد مراتك إلهام مزهقاك بطلباتها
ممدوح : مفيش يا حبيبتى أنتى وحشانى الكورونا بعدتنى عنك انى اشوفك كل يوم
فوقية : وانت يا حبيبى وحشنى موووت بس قولى مالها مراتك دى
ممدوح : أسكتى يا ماما ده أنا مليان منها وساكت
الهانم عاوزة تعمل مشروع وعاوزة 20000 ج تدخل بيهم شريكة فيه مع أختها سامية
فوقية : سامية أختها الفاشلة بلا نيلة ملقتش غيرها وتشاركها
وإن شاء الله مشروع أيه ده
ممدوح : عاوزين يعملوا مشروع أكل وطبخ منزلى كده ويوصلوا الطلبات للناس ديلفرى
فوقية : قولها تتنيل مراتك على عينها مش لما تطبخ الاول عدل فى بيتها تبقى تطبخ للناس بلا وكسة
معهلش يا حبيبى بس لازم تلمها اه من الأول كده وتقولها لأ
وتقول لسامية اختها خليكى فى حالك وملكيش دعوة بينا
ممدوح : حاضر يا حبيبتى حلمها وحشكمها وإحتمال إنقلها نقلة نفسها فيها
فوفة : نقلة أيه دى مش فاهمة كلامك عموما مع السلامة يا حبيبى
ممدوح : مع السلامة يا ماما
إلهام : ايوون كل شئ انكشفن وبان
أمك بتحرضك عليا انا وأختى
انا مش قاعدلك فى البيت وحسيبه لك لغاية لما تنفذ طلباتى
اه وتعرف ان ليا اهل
ممدوح : محدش يحوشننننننى
تعاليلى بقى أنفذلك طلباتك
إلهام : أه يا دراعى أه اه بالراحة يا دوحة أه
يا لهووووى شعرى كله إلا الشعر
يا لهوووى ألحقونى يا عيال
خالد رهف
بكرة أستنونى ونعرف حصل ايه
