علي فين ياموج فايتني
كتب: خالد المنصوري/مصر
شوفت أزاي موجك غرق قلبي
ده فيضان كان فين مستخبي
كسر كل ضلوعى فى قاربي
ورمانى فى حضنك إيه ذنبي
علي فين ياموج فايتني
شلتني لحضنك ورمتني
مالك ياموج ليه بعتني
خلاص قوام كده نستني
شوفت أزاي حبك هز ضلوعي
خدني ماسابش طريق لرجوعي
و سكن كل زوايا ربوعي
بعتر فيا قسم مجموعي
على فين رايح بيا يا موج
سارح فيا فوج ورا فوج
وبترفعني لأعلى بروج
وتنزلنى أنا بيك ممزوج
طب ماتاخدنى كده بحنية
أنا مش قد القوة ده هيا
ليه مش عاوز تهدا شوية
أنا مش عارف اتحكم فيا
علي فين ياموج فايتني
شلتني لحضنك ورمتني
مالك ياموج ليه بعتني
خلاص قوام كده نستني
يعنى خلاص معلنها طوفان
ومفيش مهرب في أي مكان
ولا يوم هرجع زي زمان
يبقا أموت فيك بالأحضان
شوفت أزاي موجك غرق قلبي
ده فيضان كان فين مستخبي
كسر كل ضلوعى فى قاربي
ورمانى فى حضنك إيه ذنبي
اكتشاف المزيد من بوابة العاصمة
اشترك للحصول على أحدث التدوينات المرسلة إلى بريدك الإلكتروني.
