نصائح العاصمة

إيمان العادلى

الفوائدلصحية والدراسات عن أكل السمك :-

١- السمك ينظم مستوى السكر فى الدم لأنه غنى بالأوميجا ٣ اللى جسمك محتاجه لتنظيم إفراز الإنسولين .

٢- لا أمراض قلب ولا شرايين مع أكل السمك بإنتظام السمك بيقلل الكولسترول الضار و بيرفع النافع.

٣- لو بتعانى من إلتهاب مفاصل وخشونة خلى أكلك السمك لأنه مش بس بيحافظ عليك من إرتفاع النقرص فى الدم لا دا كمان مهم جدا ليك فى وقف الإلتهاب .

٤- عاوز تعالج الإكتئاب كل سمك ، عضلاتك وعضمك مصنوعين من البروتين و المعادن أما دماغك مصنوعة من الدهن كل ماتاكل سمك دماغك بتتغذى بدهون السمك اللى بتحتاجها لصحتك النفسية .

٥- السمك غنى جدا بالكالسيوم عشان صحة قلبك و عضمك و أسنانك دا غير أنه غنى بفيتامين دال المهم جدا لإمتصاص الكالسيوم يعنى قرص دواء كالسيوم كامل ربانى .

٦- السمك بيحميك من أمراض المناعة الذاتية زى الروماتويد الصدفية الذئبة إلى أخره .

٧- السمك أفضل دواء لمرضى حساسية الصدر و الربو عكس مابسمع من المرضى لو عندى حساسية مكلش سمك وبيض الكلام ده غلط وملوش علاقة بالطب .

٨- السمك بينيم وبيمنع إضطربات النوم أنا عن نفسى إما باكل سمك بنام على الطرابيزة مبلحقش أغسل أيدى ، فلو عندك قلق توتر عليك وعلى أكل السمك .

٩- السمك طعام من يعانى من إلتهاب الأعصاب والتنميل و الحرقان بالأطراف لأنه غنى جدا بفيتامين ب ١٢ .

١٠- السمك الطعام المثالى لمن يعانى من إلتهاب الكلى وصديدها والمغص الكلوى .

فى النهاية لازم نمنع الأطفال من عادة عدم حب أكل السمك و إتجاههم لأكل الفراخ يوميا ودا شئ خطر جدا على صحتهم الجسدية و العقلية .

شير لغيرك و قله اليابانين عباقرة و عمر مديد أمراض أقل بسبب أكل الأسماك .

أنا لفيت العالم أجمل سمك كلته فى حياتى كان فى السودان سمك مقلى نيلى فى الخرطوم مقلى بزيت الفول السودانى .