حاولت اخاصمك

متابعة / فاطمة عبدالواسع

ولما جيت اخاصمك خاصمني قلبي.

جيت اعاتبه ليه تخاصمني ده انت حته مني .

رد وقال مانتي بتبعدي عني دمي الي معيشني .

عاتبته تاني وقولتله ماهو هان عليه بعدك وبعدي .

 رد وهزني وشفع لحبيبي من تاني.

 وقالي انا راضي بوجعي .

مسيره في يوم يحن لي.

 ويرجع من بعده ويسلم لي .

رديت مع تنهيده تبكيه قولتله اصل روحي حزينه ومشتاقه لعنيه .

اخاصمه يمكن تتعب روحه زيي وتبكيه .

رد قلبي وقال روحه سكناني وقلبه مرسالي .

بيتوجعوا اوي بس مداري .

وتنهيدتك واصلة له بس متقيد ظلم الدنيا .

أصل ظلمها مش هين .

اوعك تظلميه لو فعلا بتحبيه

 خليه جوانا وخبيه وابعتيله ضحكة أمل تصحيه وتقويه.

تهون عليه الي عايش فيه .

يقدر يحارب بيها الظروف ويوفي بالوعود .

بصيت لعنيا في المراية لاقيت صورته فيها جوه دمعة حبساها.

 حبساها عنيا خايفة من نزولها وحاطاها جوه اوي وسانداها بحرقه هواها .

غمضت عيني وحضنته جواها.

 وعاتبت نفسي ع خصامها وسألتها

تهدي بشوقها ليه وتكتفي بالحلو الي كان بتعيشه فيه .