كرونا جت

كتب علاء عامر

بندعى وبنقول يارب

فرج كربنا ورحم ضعفنا

ولسة فينا سواد القلب

شايفين بعنينا الموت

بيقرب مع الوقت

من كل واحد منا

ومين علية الدور

بعد ساعة ولا ساعتين.

ولا يوم ولا يومين.

ماحدش يعرف امتى وفين

وأحنا ولأحنا من هنا

سكينة الحياة سرقانا

بتسرق سرقة فينا

كل يوم بتقطع حتة

بتطمعنا فيها ومابتسيبناش

العين متغمية مسحوبة

رايحة منها البصيرة

وأزاى تشوف الحقيقة

وقلوبنا لساها مصدية

صابها الصدى م الدنية

الفانية دية..

كرونا جات طوقان.

كشفتنا قصاد نفسنا

خلتنا عرايا ف المراية

بحسناتنا وعيوبنا المخفية

ما عرفناش نهرب منها

ولاندارة حتى منها

طوفان بيجرى جرى

بيحصد ولابيخلى

صغير ولاكبير

غنى ولا فقير

ولا صاحب جاة وسلطان

الكل الكل جى

لاحينفعة مال ولا صولجان

ولما يموت لا يغسلوة

وقرايبة يخافوا يستلموة

ولا منة يقربوا..

وفى المقابر يا عالم يدفنوة

يا اللة..يا الله..

عملنا اية عشان

يكون عقابنا بالشكل دا..

الجوامع تنقفل ف وشنا

وبيت ربنا غضبان مننا

والكعبة الحزينة ما تلاقيش

حد يطوف جنبها

يلمسها يصبرها…

يضم حزنها. .

يطيب قلبها

يواسيها على فورقة احبابها

بمعاصيهم بعد ت عنهم

وبفسادهم فارقوا قلبها.

يارب فوقنا ورجعنا

قبل فوات الأوان

احنا مالناش غيرك.

انت الغفور الرحيم