التغذية الصحيحة لتعزيز المناعة
إيمان العادلى
المفروض ناكل ايه اليومين دول عشان نزود المناعه الطبيعية الى هى اهم عامل فى مواجهة الكورونا…
١- لازم نمشى على نظام عذائى صحى متوازن بيحتوى على كل العناصر العذائية حبوب ونشويات وبروتينات والبان وخضروات وفاكهة
٢- الاطعمة الغنية بفيتامين ج الفاكهة زى البرتقال والليمون واليوسفى والفراولةوالجوافة والكيوى والخضار الطازة زى الفلفل والجزر والطماطم لازم طبق السلطة ونضيف اوراق خضراء زى الجرجير والقدونس فيتامين الف فى الخضروات مهم عشان انسجة الجهاز التنفسى
٣- الثوم ده مطبخنا المصرى والعربى بيقدره ناكل سلطة زبادى وتومية ونضيف فصوص توم فى السلطة
٤- الكرنب بيقوى المناعه ممكن نضيفه فى السلطة بتاعتنا والقرنبيط والبروكلى نضيفهم مع الخضار السوتيه
٥- عسل النحل ناخد معلقة الصبح على الريق وممكن نغلى جنزبيل ونحليه بالعسل وده مشروب هايل للمناعه والحرق
٦- التعرض للشمس اقعدو فى البلكونة يا جماعة الشمس بتنشط فيتامين د الى بيغزز المناعه
٧- الاسماك زى التونة والماكريل والسردين….البيض مصادر لفيتامين د والاسماك كمان غنية بالاوميجا٣ وممكن نجرب بذور الشيا والكتان او المكسرات نضيفها على طبق السلطة او مع الشوفان ده مصادر مهمة لاوميجا ٣
٨- البقوليات زى العدس والفول والفاصوليا البيضا والحمرا واللوبيا بتعزز المناعه وغنيه بالالياف والبروتين وحبوب كاملة وبتزود الحرق كمان
٩-الخمائر زى الى موجودة فى الزبادى بتنشط البكتريا الجيدة الى بتحمينا وتعزز المناعه
١٠-الكركم والجنزبيل ضيفيهم على الاكل او اشربوهم …والشاى الاخضر والاعشاب المختلفة كترو شرب المية ومشاريب الاعشاب الطبيعية بلاش الفترة ده نعمل انظمة دايت كيميائية او بتحرم الجسم من عناصر معينه او مفيهاش فاكهة او خضار كفاية عشان منضعفش مناعتنا
اكتشاف المزيد من بوابة العاصمة
اشترك للحصول على أحدث التدوينات المرسلة إلى بريدك الإلكتروني.
